Ündıstanda Nipah virusynyŋ taraluyna bailanysty memlekettık şekaradaǧy barlyq ötkızu punktterınde sanitarlyq-karantindık baqylau küşeidı. Būl jaily Densaulyq saqtau ministrlıgı mälımdedı, dep habarlaidy "Adyrna".
«Ündıstannan jäne auru tırkelgen Oŋtüstık-Şyǧys Aziianyŋ basqa elderınen kelgen adamdarǧa erekşe nazar audarylady. Osy infeksiia boiynşa qolaisyz elderdıŋ tızbesı tūraqty negızde qaita qaralady jäne jaŋartylady», – dep habarlady vedomstvonyŋ baspasöz qyzmetı.
Aqparatqa säikes, arlyq medisinalyq ūiymdarǧa arnaiy eskertu berılgen. Eger elge infeksiia kele qalsa, jedel järdem brigadalary men infeksiialyq auruhanalar kez kelgen uaqytta nauqastardy qabyldauǧa daiyn deidı ministrlıkten. Äzırge Nipah virusymen auyrǧan qazaqstandyqtar tırkelmegen.
Virus tarap jatqan elderge sapar şegetın jolauşylar jeke bas gigienasyn qataŋ saqtauy kerek. Eger şetelden oralǧannan keiın qyzu, börtpe, jötel siiaqty belgıler baiqalsa, mındettı türde därıgerge qaralu qajet.
Nipah virusy adamǧa januarlardan, sonyŋ ışınde jarqanattar men şoşqalardan jūǧady. Lastanǧan taǧamdar men susyndar arqyly berıluı mümkın. Būl aurumen auyrǧan joǧary temperatura, bas auruy, jalpy älsızdık, al auyr jaǧdailarda ortalyq nerv jüiesınıŋ zaqymdaluy, pnevmoniia boluy mümkın.
Qazır būl virusqa qarsy maqūldanǧan vaksina joq.
