قازاقستان پرەزيدەنتى 2026 جىلعى 26 قاڭتاردا جاڭا داۋىردە بارلىق سالاعا تسيفرلاندىرۋ مەن جاساندى ينتەللەكتىنى جاپپاي ەنگىزۋ جۇمىسىمەن بەلسەندى تۇردە اينالىسۋ قاجەت ەكەنىن اتاپ ءوتتى.
سونىمەن قاتار، قوعامعا، جالپى ەلىمىزگە زاڭ ۇستەمدىگى، ءتارتىپ مىقتىلىعى اۋاداي قاجەت دەپ ايتتى.
"كەيبىر شەت ەلدەردە بولىپ جاتقان قازىرگى وتە كۇردەلى احۋالدى كورىپ، بۇل ساياساتىمىزدىڭ دۇرىستىعىنا ءبارىمىزدىڭ كوزىمىز جەتىپ وتىر، وعان ەشقانداي كۇمان جوق. زاڭ مەن ءتارتىپ مەملەكەتتىك ساياساتىمىزدىڭ نەگىزگى قاعيداتى رەتىندە قابىلدانۋى كەرەك، بۇل قاعيداتتى جاڭا كونستيتۋتسيامىزعا مىندەتتى تۇردە ەنگىزۋ قاجەت دەپ سانايمىن. سەبەبى بۇل ەشقاشان وزەكتىلىگىن جوعالتپايتىن، ومىرشەڭ قاعيدات ەكەنى داۋسىز. باس پروكۋراتۋرانىڭ وسى سالاداعى ءرولى اسا ماڭىزدى. پروكۋراتۋرا قىزمەتكەرىنىڭ زاڭنىڭ بۇزىلۋىنا بەيتاراپ، سەلقوس قاراۋعا قۇقىعى جوق".مەملەكەت باسشىسىسونداي-اق قاسىم-جومارت توقاەۆ ۇكىمەتكە ەنگىزىلگەن بارلىق تسيفرلىق شەشىمدەرگە تالداۋ جۇرگىزىپ، تەكسەرۋ تاپسىرماسىن بەردى.
ودان بولەك، توقاەۆ قۇقىق قورعاۋ ورگاندارىن تسيفرلاندىرۋ ۇدەرىسىنىڭ بىرىزدەندىرىلمەگەنىن مالىمدەدى.
مەملەكەت باسشىسى ازاماتتاردىڭ دەربەس دەرەكتەرىن قورعاۋ قاجەت ەكەنىن ايتتى.
"اقپاراتتىق كەڭىستىكتە ازاماتتاردىڭ دەربەس دەرەكتەرى جاريالانىپ كەتكەنى تۋرالى حابار ءجيى شىعىپ جاتادى. دەربەس دەرەكتەردى بارىنشا قورعاۋ ءۇشىن بۇل جۇمىسپەن جۇيەلى تۇردە اينالىسۋ كەرەك", - دەدى قاسىم-جومارت توقاەۆ.
