Basty bet
Jaŋalyqtar
"Bırtūtas jüie joq". Prezident memlekettık organdardyŋ sifrlyq jobalaryn synǧa aldy

"Bırtūtas jüie joq". Prezident memlekettık organdardyŋ sifrlyq jobalaryn synǧa aldy

26.01.2026

146

https://adyrna.kz/storage/uploads/0BBRJVRobdIHEnfQrwa1srdaDLKqOUjKo1Z2YEYm.jpg

Memleket basşysy Qasym-Jomart Toqaev Bas prokuraturada keŋes ötkızdı. Prezident elımızde auqymdy özgerıster jasalyp jatqanyn jäne aldymyzda Konstitusiialyq reforma jürgızu, mülde jaŋa saiasi jüiege qadam basu mındetı tūrǧanyn aitty dep habarlaidy "Adyrna".
Qazaqstan prezidentı 2026 jylǧy 26 qaŋtarda jaŋa däuırde barlyq salaǧa sifrlandyru men jasandy intellektını jappai engızu jūmysymen belsendı türde ainalysu qajet ekenın atap öttı.
Sonymen qatar, qoǧamǧa, jalpy elımızge zaŋ üstemdıgı, tärtıp myqtylyǧy auadai qajet dep aitty.

"Keibır şet elderde bolyp jatqan qazırgı öte kürdelı ahualdy körıp, būl saiasatymyzdyŋ dūrystyǧyna bärımızdıŋ közımız jetıp otyr, oǧan eşqandai kümän joq. Zaŋ men tärtıp memlekettık saiasatymyzdyŋ negızgı qaǧidaty retınde qabyldanuy kerek, būl qaǧidatty jaŋa Konstitusiiamyzǧa mındettı türde engızu qajet dep sanaimyn. Sebebı būl eşqaşan özektılıgın joǧaltpaityn, ömırşeŋ qaǧidat ekenı dausyz. Bas prokuraturanyŋ osy saladaǧy rölı asa maŋyzdy. Prokuratura qyzmetkerınıŋ zaŋnyŋ būzyluyna beitarap, selqos qarauǧa qūqyǧy joq".Memleket basşysy
Sondai-aq Qasym-Jomart Toqaev Ükımetke engızılgen barlyq sifrlyq şeşımderge taldau jürgızıp, tekseru tapsyrmasyn berdı.
Odan bölek, Toqaev  qūqyq qorǧau organdaryn sifrlandyru üderısınıŋ bırızdendırılmegenın mälımdedı.
"Är mekeme sifrlyq jüiesın öz betımen damytuda. Būl şarua jüiesız jürgızılıp jatyr. Bırtūtas jüie joq. Mysaly, keibır organdar sifrlyq täsılderdı ūtymdy qoldanyp jūmys ısteude. Al keibırı dūrys amal-täsıl taba almai, qyruar qarjy jūmsap jür. Būl, basqa sözben aitqanda, naǧyz jymqyru. Sondyqtan qarajatty orynsyz jūmsap, jaŋa dünie jasaudyŋ qajetı joq. Ükımetke qoldanystaǧy barlyq sifrlyq şeşımderdı saralap, tekserıp, olardyŋ tiımdılıgın arttyrudy tapsyramyn. Küştık qūrylymdarǧa arnalǧan tüsınıktı qūrylymy bar jäne tehnologiialyq standarttary bırkelkı bıryŋǧai sifrlyq ekojüie jasaluǧa tiıs", - dedı Prezident.
Memleket basşysy azamattardyŋ derbes derekterın qorǧau qajet ekenın aitty.
"Aqparattyq keŋıstıkte azamattardyŋ derbes derekterı jariialanyp ketkenı turaly habar jiı şyǧyp jatady. Derbes derekterdı barynşa qorǧau üşın būl jūmyspen jüielı türde ainalysu kerek", - dedı Qasym-Jomart Toqaev.

Ūqsas jaŋalyqtar