23 قاڭتاردا ابۋ-دابيدە ۋكراينا، اقش جانە رەسەيدىڭ ديپلوماتيالىق دەلەگاتسيالارى كەزدەستى، دەپ حابارلايدى “ادىرنا” ۇلتتىق پورتالى CNN-گە سىلتەپ.
CNN مالىمەتىنشە، كەزدەسۋگە قاتىستى اقپاراتتى ۋكراينا پرەزيدەنتى ۆلاديمير زەلەنسكي ءوزىنىڭ Telegram-ارناسىندا جاريالاعان.
«ۋكراينالىق وكىلدەردەن ماعان ساعات سايىن دەرلىك بايانداما كەلىپ تۇسۋدە. ولار قازىر امىرلىكتەردە، ۋكراين، امەريكالىق جانە رەسەيلىك دەلەگاتسيالار اراسىندا اڭگىمە بولدى. بۇل وتە ماڭىزدى، سەبەبى مۇنداي ۇشجاقتى فورماتتاعى كەزدەسۋلەر ۇزاق ۋاقىت بولماعان ەدى»، – دەدى زەلەنسكي.
مەملەكەت باسشىسى ۋكراين دەلەگاتسياسى ءۇشىن كەلىسسوزدەردىڭ ناقتى شەكاراسىن ايقىنداپ بەرگەنىن اتاپ ءوتتى.
ايتا كەتەيىك، رەسەي پرەزيدەنتىنىڭ كومەكشىسى يۋري ۋشاكوۆ كەزدەسۋ تۋرالى حابارلاعان ەدى.
ۇقساس جاڭالىقتار
