23 qaŋtarda Abu-Dabide Ukraina, AQŞ jäne Reseidıŋ diplomatiialyq delegasiialary kezdestı, dep habarlaidy “Adyrna” ūlttyq portaly CNN-ge sıltep.
CNN mälımetınşe, kezdesuge qatysty aqparatty Ukraina prezidentı Vladimir Zelenskii özınıŋ Telegram-arnasynda jariialaǧan.
«Ukrainalyq ökılderden maǧan saǧat saiyn derlık baiandama kelıp tüsude. Olar qazır Ämırlıkterde, ukrain, amerikalyq jäne reseilık delegasiialar arasynda äŋgıme boldy. Būl öte maŋyzdy, sebebı mūndai üşjaqty formattaǧy kezdesuler ūzaq uaqyt bolmaǧan edı», – dedı Zelenskii.
Memleket basşysy ukrain delegasiiasy üşın kelıssözderdıŋ naqty şekarasyn aiqyndap bergenın atap öttı.
Aita keteiık, Resei prezidentınıŋ kömekşısı Iýrii Uşakov kezdesu turaly habarlaǧan edı.
Ūqsas jaŋalyqtar
