اقش-تىڭ كولورادو شتاتىنداعى سۋپەرماركەتتە بولعان اتىس سالدارىنان 10 ادام قازا تاپتى. بۇل تۋرالى بوۋلدەر قالاسى پوليتسيا باسقارماسىنىڭ Twitter-دەگى پاراقشاسىندا مالىمدەدى، دەپ حابارلايدى «ادىرنا» ۇلتتىق پورتالى.
Twitter-دەگى پاراقشادا «10 ادام قازا تاپتى»، - دەلىنگەن. بۇل اقپاراتقا دەيىن قۇقىق قورعاۋ ورگاندارىنىڭ وقيعا قۇرامىندا بولعاندىعىن جانە كەم دەگەندە 6 ادام كوز جۇمدى دەپ مالىمدەگەن ەدى. پوليتسيا قىزمەتكەرلەرى قازا بولعانداردىڭ ناقتى سانىن انىقتامايىنشا، تۋىستارىنا حابار بەرۋدى شەگەرۋدى ءجون كورگەن.
بوۋلدەر پوليتسيا دەپارتامەنتىنىڭ باستىعى ماريس گەرولد دۇيسەنبى كۇنى وتكەن ءباسپاسوز كونفەرەنتسياسىندا وقيعا كەزىندە 51 جاستاعى قۇقىققورعاۋ ورگانىنىڭ قىزمەتكەرى ەريك تەلليدىڭ كوز جۇمعانىن راستادى. سونىمەن قاتار گەرولد ءوز سوزىندە، زاڭ بۇزۋشىنىڭ قولعا تۇسكەنىن ايتتى.
قىلمىسكەردىڭ ەسىمى اتالمادى. بۇنداي ارەكەتكە بارۋىنا دا نە سەبەپ بولعانى بەلگىسىز. پوليتسيا باسقارماسى باسشىسىنىڭ ايتۋىنشا، وقيعانى تەرگەۋ بىرنەشە كۇنگە سوزىلۋى مۇمكىن.
ەسكە سالا كەتەيىك، دۇيسەنبى كۇنى King Soopers سۋپەرماركەتىنىڭ قاسىندا بەلگىسىز بىرەۋ اتىس باستاپ، سودان سوڭ دۇكەننىڭ ىشىنە كىرىپ وق جاۋدىرعان.
"ادىرنا" ۇلتتىق پورتالى
