2026 جىلعى 20 قاڭتاردا زاڭ مەن ءتارتىپ يدەولوگەماسىن ىلگەرىلەتۋ جونىندەگى جوسپارعا سايكەس ۇلىتاۋ وبلىسىنىڭ ءبىلىم بەرۋ ۇيىمدارىندا «زاڭ قاراپايىم تىلمەن» تاقىرىبىندا قۇقىقتىق ساباقتار ۇيىمداستىرىلدى.
ءىس-شارالار پروكۋراتۋرا ارداگەرلەرىنىڭ، پوليتسيا دەپارتامەنتى قىزمەتكەرلەرىنىڭ جانە جەرگىلىكتى اتقارۋشى ورگان وكىلدەرىنىڭ قاتىسۋىمەن ءوتتى. قۇقىقتىق ساباقتار جەزقازعان قالاسىنداعى №7 مەكتەپ-ليتسەيدە، ساتباەۆ قالاسىنداعى ى.التىنسارين اتىنداعى مەكتەپتە، قاراجال قالاسىنىڭ №1 مەكتەبىندە، جاڭاارقا اۋدانىنىڭ №1 مەكتەپ-ليتسەيىندە، سونداي-اق ۇلىتاۋ اۋدانى جەزدى كەنتىندەگى №6 مەكتەپتە وتكىزىلدى.
ساباقتار ينتەراكتيۆتى فورماتتا ءوتىپ، وقۋشىلارعا قىلمىستىق جانە اكىمشىلىك جاۋاپكەرشىلىك ماسەلەلەرى قاراپايىم ءارى تۇسىنىكتى تىلدە ءتۇسىندىرىلدى. قۇقىق قورعاۋ ورگاندارىنىڭ قىزمەتكەرلەرى ءوز تاجىريبەلەرىنەن ناقتى مىسالدار كەلتىرىپ، جاسوسپىرىمدەر اراسىندا قۇقىقتىق مادەنيەتتى قالىپتاستىرۋعا ەرەكشە نازار اۋداردى.
اتالعان ءىس-شارالار جاس ۇرپاقتىڭ قۇقىقتىق ساۋاتتىلىعىن ارتتىرۋعا، زاڭعا قۇرمەتپەن قاراۋدى قالىپتاستىرۋعا جانە قۇقىقبۇزۋشىلىقتىڭ الدىن الۋعا باعىتتالعان ماڭىزدى قادام بولىپ تابىلادى.
