ۇلىتاۋ وبلىسىنىڭ جاڭاارقا اۋدانىنداعى شەبەر تىگىنشىلەر وڭىرگە ءتان ۇلتتىق ناقىشتاعى 500 شاپان تىكتى، دەپ حابارلايدى"ادىرنا" ۇلتتىق پورتالى.
تىگىنشىلەر گيننەستىڭ رەكوردتار كىتابىنا ەندى.
17 تىگىنشى قاتىسىپ، ارقايسىسى شامامەن 33 شاپاننان دايىنداعان. بارلىق شاپاندار بىردەي ستيلدە تىگىلگەن جانە ولاردىڭ ارقايسىسىندا ايماقتىڭ تاريحي ءارى مادەني ەرەكشەلىكتەرى كورىنىس تاپقان.
جوبا جەتەكشىسى قايسار سەيپىشوۆ بۇل باستامانىڭ رۋحاني ءمانىن ەرەكشە اتاپ ءوتتى.
"اينالايىن جاڭاارقام، بالا كەزىمنەن انامنىڭ تىگىپ بەرگەن شاپانىمەن مەكتەپكە بارىپ ەدىم. سول شاپان مەن ءۇشىن قازاقى رۋحتىڭ، ەڭبەكتىڭ، انانىڭ مەيىرىمىنىڭ نىشانى بولىپ قالا بەردى. بۇگىن سول قاسيەتتى شاپاننىڭ قادىرىن دالەلدەپ، حالقىمىزدىڭ ءداستۇرى مەن دارحان مىنەزىن پاش ەتكىم كەلدى", – دەدى ول Instagram پاراقشاسىندا.
ايتا كەتەيىك، بۇعان دەيىن جاڭاارقا اۋدانىندا قىمىز دايىنداۋدان دا رەكورد ورناتىلعان بولاتىن. ال بۇل جولعى ەرەكشە جەتىستىكتى كۋبادان كەلگەن گيننەس وكىلى يۋدەلكيس دياس رەسمي تۇردە تىركەدى.
