اباي كىتاپحاناسىندا كەمەل ويدىڭ كەنىشى، عالىم قايىم مۇحامەدحانۇلىنىڭ تۋعانىنا 110 جىل تولۋىنا وراي ەسكە الۋ كەشى ءوتتى. قالامىزدىڭ زيالى قاۋىمىنىڭ باسىن بىرىكتىرگەن ساليقالى شارادا شاكىرتتەرى عالىم، فيلولوگيا عىلىمدارىنىڭ دوكتورى، پروفەسسور ا.س.ەسپەنبەتوۆ، مادەنيەتتانۋشى، ونەرتانۋشى، اقىن ق.ج.نۇرقاسىم مەرەيگەردىڭ قازاق عىلىمىن دامىتۋداعى ەڭبەگىن، قۋعىن كورگەن ءومىر سوقپاعى، ايداۋداعى ازاپ مويىتا الماعان قايسارلىعىن جينالعان قاۋىمعا اسەرلى جەتكىزدى.
اتالمىش كەشتە الاشتانۋشى، عالىمنىڭ شاكىرتى قۇسميليا جىرعالىۇلى ۇستازى ق.مۇحامەتحانۇلىنا ارناعان ارناۋ ولەڭىن وقىپ،ۇلتقا قالتقىسىز ايانباي ەڭبەك ەتكەن، ابايدى ءوز بيىگىندە قازاققا تانىتقان وقىتۋشىسى تۋرالى ەستەلىكتەرىمەن ءبولىسىپ، اقىن ا.ماناباەۆتىڭ سوزىنە جازىلعان ت.بازارباەۆتىڭ «جان اعا» ءانىن ورىندادى.
شاكارىم جوعارى كوللەدجى وقىتۋشىسى، گۋمانيتارلىق عىلىمدار ماگيسترى س.تۋسۋپباەۆا «قايىم ولەڭدەرىن 1930-1940 جج. لاتىن گرافيكاسىنان اۋدارۋ تاجىريبەمدە» بايانداماسىن وقىپ، شارا قوناقتارىنان «اباي قۇنانباەۆ» قوعامدىق قورىنىڭ پرەزيدەنتى و.كارىبجانوۆ، وتستاۆكاداعى پودپولكوۆنيك، ادەبي ولكەتانۋشى ش.قالياكباروۆ سىندى تۇلعالار ەستەلىكتەرىن ورتاعا سالدى.
شاراعا قاتىسۋشىلار امىرە قاشاۋباەۆ اتىنداعى وبلىستىق فيلارمونياسىنىڭ ءداستۇرلى ءانشىسى – باقىتجان شوقانۇلىنىڭ ورىنداۋىندا حالىق ءانى «بۇلبۇلىمدى» تاماشالاپ، ارنايى ازىرلەنگەن سلايد كورسەتىلىمى مەن بەينەباياننان ق.مۇحامەدحانوۆتىڭ ءوز ءسوزىن جانە كوز كورگەن زامانداسى گ.بەلگەر مەن عالىم ت.جۇرتبايدىڭ پىكىرىن تىڭدادى.
ەسكە الۋ كەشىنە ارنايى ازىرلەنگەن «قازاقتىڭ قايسار عالىمى» كەڭ كولەمدى كىتاپ كورمەسىنىڭ «ەكپىندى»، «يرتىش»، «سەمەي پراۆداسى»، «سەمەي تاڭى»، «ەرتىس ءوڭىرى»، «ديدار»، «قازاق ادەبيەتى» بەتتەرىندە جاريا كورگەن ماقالالارى مەن كىتاپتارى، 2025 جىلى كىتاپحانامىزدىڭ «اباي جولى» كىتاپحاناسى توپتاماسىمەن شىققان قايىم مۇحامەدحانۇلىنىڭ «ابايدىڭ اقىن شاكىرتتەرى» (1, 2-كىتاپ) «اباي مۇراگەرلەرى» (3-كىتاپ) شىعارمالارى شارانى كوركەيتىپ، مول، سان قىرلى عالىم مۇراسىمەن تانىستىردى. جينالعان قاۋىم عالىمنىڭ «باقىت دەگەنىڭ – ەركىندىكتە ءومىر ءسۇرۋ، ادال بولۋ» - دەگەن ومىرلىك باستى ۇستانىمىن تانىپ، مول مۇراسىمەن قاۋىشتى.
ريما قاناپياقىزى،
اباي اتىنداعى وبلىستىق امبەباپ كىتاپحاناسى
