31 مامىر – قازاقستانداعى ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە وراي ەۋروپالىق وداقتىڭ قازاقستانداعى ەلشىسى الەشكا سيمكيچ پەن ەو-عا مۇشە مەملەكەتتەردىڭ ەلشىلەرى قاراعاندى وبلىسىنداعى سپاسسك مەموريالدىق كەشەنىندە وتكەن گۇل قويۋ راسىمىنە قاتىستى.
ءىس-شاراعا قاراعاندى وبلىسىنىڭ رەسمي وكىلدەرى دە قاتىسىپ، توتاليتارلىق رەجيمدەردىڭ قۇرباندارىن ەسكە الدى. ءراسىم بارىسىندا ساياسي قۋعىن-سۇرگىنگە ۇشىراپ، جازىقسىز سوتتالعان، حابار-وشارسىز كەتكەن ازاماتتاردىڭ، سونداي-اق اشارشىلىق جىلدارىندا قازا تاپقان ميلليونداعان ادامنىڭ رۋحىنا تاعزىم ەتىلدى.
ايتا كەتسەك، سپاسسك مەموريالدىق كەشەنى – حح عاسىرداعى ساياسي قۋعىن-سۇرگىن قۇرباندارىنىڭ تاعدىرىن ەسكە سالاتىن ماڭىزدى تاريحي ورىنداردىڭ ءبىرى. بۇل جەردە ءارتۇرلى ۇلت وكىلدەرى بولعان تۇتقىندار مەن توتاليتارلىق جۇيەنىڭ زاردابىن تارتقان جاندارعا ارنالعان ەسكەرتكىشتەر ورنالاسقان.
قازاقستاندا جىل سايىن 31 مامىردا ساياسي قۋعىن-سۇرگىن مەن اشارشىلىق قۇرباندارى ەسكە الىنىپ، ەل تاريحىنداعى قاسىرەتتى كەزەڭدەردەن زارداپ شەككەن جانداردىڭ رۋحىنا تاعزىم ەتىلەدى.
