رۋسلان وسكەنالى «قازاقمىس كورپوراتسياسى» جشس باسقارما توراعاسى قىزمەتىنە كىرىستى. بۇل تۋرالى بۇگىن، 5 قاڭتاردا كومپانيانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«جالپى العاندا، ونىڭ كاسىبي جولى ءىرى كاسىپورىنداردىڭ اكتيۆتەرى مەن وپەراتسيالىق قىزمەتىن باسقارۋ تاجىريبەسىن، سونداي-اق ستراتەگيالىق جوبالاردى ىسكە اسىرۋدى قامتيدى.
رۋسلان وسكەنالى تيىمدىلىكتىڭ جوعارى ستاندارتتارىنا ادالدىعىمەن، كورپوراتيۆتىك مادەنيەت قۇندىلىقتارىن قۇرمەتتەۋىمەن جانە ۇيىم ىشىندەگى كادرلىق پوتەنتسيالدى دامىتۋعا ۇمتىلۋىمەن ەرەكشەلەنەدى»،-دەلىنگەن حابارلامادا.
بۇل قىزمەتتى 2022 جىلدىڭ جەلتوقسانىنان وسى ۋاقىتقا دەيىن نۇراحمەت نۇريەۆ اتقارعان ەدى.
ايتا كەتەيىك، رۋسلان وسكەنالى 1984 جىلى تۋعان. ءال-فارابي اتىنداعى قازاق ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا تامامداعان، سونداي-اق Woodbury University جوعارى وقۋ ورنىندا MBA دارەجەسىن العان.
ءار جىلدارى «قازاقمىس» كورپوراتسياسى، Alstom جانە General Electric سىندى ءىرى حالىقارالىق جانە ۇلتتىق كومپانيالاردا باسشىلىق لاۋازىمداردا قىزمەت اتقارعان.
2024 جىلدىڭ ناۋرىز ايىنان باستاپ Qarmet كومپانياسىندا جابدىقتاۋ جونىندەگى ديرەكتور قىزمەتىن اتقارىپ، ساتىپ الۋ فۋنكتسياسىن ستراتەگيالىق دامىتۋمەن جانە جابدىقتاۋ پروتسەسىن وڭتايلاندىرۋمەن اينالىسقان. سونداي-اق باسقارما مۇشەسى رەتىندە كومپانيانىڭ جالپى باسقارۋشىلىق ماسەلەلەرى بويىنشا شەشىمدەر قابىلداۋعا قاتىسقان.
ەسكە سالايىق، وتكەن جىلدىڭ 30 جەلتوقساندا «قازاقمىس» كورپوراتسياسىنىڭ Qazaq Stroy كومپانياسىنىڭ قۇرامىنا وتكەنى بەلگىلى بولدى.
