ىشكى بۇلىكتىڭ سىرتقا شىعىپ كەتەتىنىنەن قورىقتى ما، ايتەۋىر بۇگىن سۋرەتشىلەر وداعى ەسىكتەرىن تارس جاۋىپ الىپ، ءبىزدى قۇرىلتايعا جارتى ساعات بويى كىرگىزبەي، داۋلاسىپ تۇردى. تىزىمدە تەك مەملەكەتتىك باق بار، ال سىزدەردى ەشكىم شاقىرعان جوق، -دەپ اكىرەڭدەي جونەلدى. وداق توراعاسىنىڭ سايلاۋى ءوتىپ جاتقان قۇرىلتايعا ءبىز عانا ەمەس، تاعى بىرنەشە سۋرەتشى جىبەرىلمەدى. ەسىككە كۇزەت قويىلىپ، ەڭگەزەردەي جىگىتتەر ادامداردى ءبىر-بىرلەپ قانا كىرگىزىپ، قاراۋىلداپ تۇر. بەيبىت ونەر ادامدارىنىڭ ەمەس، قارۋلى كۇشتەردىڭ جينالىسى ىسپەتتى. ونىڭ وزىندىك سەبەبى بارعا ۇقسايدى. سۋرەتشىلەردىڭ كلان-كلانعا ءبولىنىپ، توراعالىققا تالاسقانى بىلاي تۇرسىن، وداققا تيەسىلى مۇلىك كىمنىڭ قاراباسىنا بۇيىرادى دەگەن سۇراق ونەر ادامدارىنىڭ تىنىشتىعىن بۇزعانعا ۇقسايدى. جاناربەك بەرىستەنوۆ، سۋرەتشى: – بىزدە قازىر رىسقۇلوۆادا 75 سوتتىق تەرريتوريامىز بار، ماستەرسكويلارىمىزبەن، مۇقانوۆا-قابانبايدا 72 ماستەرسكويىمىز بار، ءالى دوكۋمەنتاتسيا جاسالماعان، قوجامقۇلوۆتا ماستەرسكويىمىز بار، پانفيلوۆا-ايتەكە بيدە ۇلكەن باس عيماراتىمىز بار. ەندى بۇلار سونىڭ بارلىعىن جەكەشەلەندىرۋگە دايىندالىپ جاتىر. سونىڭ مەن قاعازدارىنىڭ ءبارىن بىلەمىن، سودان كەيىن بۇلاردىڭ بارلىعى مەنەن قورقىپ تۇر. سايلاۋ زاڭدى وتپەدى دەگەندەر وڭىرلەردەن كەلگەن ءار سۋرەتشى وبلىستاعى 15 سۋرەتشىنىڭ اتىنان داۋىس بەرىپ جاتىر، -دەپ شاعىمدانۋدا. ال وداق مۇشەلەرى ءار سۋرەتشىنىڭ جولاقىسىن تولەۋ ءبىزدىڭ قالتامىزعا سالماق، -دەپ وتىر. جامبىل ناتباەۆ، سۋرەتشىلەر وداعىنىڭ مۇشەسى: – ءبىز ونىڭ جولاقىسىن تولەۋىمىز كەرەك. ونى شىعارىپ سالامىز، قوناق ءۇيى بار دەگەندەي دا. ەگەر وزدەرىڭ اقشاسىن تولەپ كەلسەڭىزدەر، ون بەسىڭ دە كەل، مىڭىڭ دا كەل ەشكىم-ەشكىمگە قارسى ەمەس. دەسە دە بۇل داۋ سايلاۋمەن اياقتالمايتىن سياقتى. سەبەبى قىلقالام شەبەرلەرى پرەزيدەنت اتىنا اشىق حات جولداپ، بۇل ىسكە ارالاسۋىن سۇراپ وتىر. ___________________________________________________________________________________________________________________________

جانار جولتاەۆا، دانيار ءجۇسىپوۆ

31.kz