ءپۋتيندى تۇتقىنداۋعا وردەر بەرگەن سۋديا حالىقارالىق قىلمىستىق سوتتى باسقارادى، دەپ حابارلايدى "ادىرنا" ءتىلشىسى International Criminal Court-قا سىلتەپ.
توموكو اكانە حانىم حالىقارالىق قىلمىستىق سوتتىڭ جاڭا پرەزيدەنتى بولىپ سايلاندى.
اكانە حانىم رەسەي پرەزيدەنتى ۆلاديمير ءپۋتيندى تۇتقىنداۋعا وردەر بەرگەن سۋديالارىنىڭ ءبىرى.
«حالىقارالىق قىلمىستىق سوتتىڭ توراعاسى لاۋازىمىنا سۋديا ارىپتەستەرىمنىڭ سايلاعانى - ۇلكەن مارتەبە. حقس ءۇشىن وسى قيىن كەزەڭدە تۇراقتى، بىرلەسكەن، ءبىرتۇتاس باسشىلىق قاجەت »، - دەدى جاڭا باسشى.
توموكو اكانە 2027 جىلعا دەيىن حقس-تى باسقارادى. ول الداعى ۋاقىتتا سوتتاعى قىزمەتكەرلەردىڭ قاۋىپسىزدىگى مەن ءال-اۋقاتىنا ەرەكشە كوڭىل بولۋگە نيەتتى ەكەنىن جەتكىزدى.
اكانە حانىمعا دەيىن سوتتىڭ توراعالىعىندا پولياك زاڭگەرى پەتر حوفمانسكي بولدى.
2023 جىلدىڭ ناۋرىزىندا حقك ۆلاديمير ءپۋتيندى، سونداي-اق رەسەيدەگى بالالار قۇقىقتارى جونىندەگى ۋاكىل ماريا لۆوۆا-بەلوۆانى قاماۋعا الۋعا وردەر بەردى.
2023 جىلدىڭ قاراشاسىندا رەسەي ىشكى ىستەر مينيسترلىگى اكانە حانىمنان بولەك، حالىقارالىق قىلمىستىق سوتتىڭ تاعى بىرنەشە سۋدياسىن ىزدەۋگە جاريالادى. سول جىلدىڭ كوكتەمىندە رەسەي فەدەراتسياسىنىڭ تەرگەۋ كوميتەتى ولارعا قارسى شەتەل مەملەكەتىنىڭ وكىلىن زاڭسىز ۇستاۋ جانە شابۋىل جاساۋعا دايىندالعانى ءۇشىن قىلمىستىق ءىس قوزعاعان بولاتىن.
