Ruslan Öskenälı «Qazaqmys korporasiiasy» JŞS basqarma töraǧasy qyzmetıne kırıstı. Būl turaly bügın, 5 qaŋtarda kompaniianyŋ baspasöz qyzmetı jazdy, dep habarlaidy «Adyrna» tılşısı.
«Jalpy alǧanda, onyŋ käsıbi joly ırı käsıporyndardyŋ aktivterı men operasiialyq qyzmetın basqaru täjıribesın, sondai-aq strategiialyq jobalardy ıske asyrudy qamtidy.
Ruslan Öskenälı tiımdılıktıŋ joǧary standarttaryna adaldyǧymen, korporativtık mädeniet qūndylyqtaryn qūrmetteuımen jäne ūiym ışındegı kadrlyq potensialdy damytuǧa ūmtyluymen erekşelenedı»,-delıngen habarlamada.
Būl qyzmettı 2022 jyldyŋ jeltoqsanynan osy uaqytqa deiın Nūrahmet Nūriev atqarǧan edı.
Aita keteiık, Ruslan Öskenälı 1984 jyly tuǧan. Äl-Farabi atyndaǧy Qazaq ūlttyq universitetın «Halyqaralyq qūqyq» mamandyǧy boiynşa tämamdaǧan, sondai-aq Woodbury University joǧary oqu ornynda MBA därejesın alǧan.
Är jyldary «Qazaqmys» korporasiiasy, Alstom jäne General Electric syndy ırı halyqaralyq jäne ūlttyq kompaniialarda basşylyq lauazymdarda qyzmet atqarǧan.
2024 jyldyŋ nauryz aiynan bastap Qarmet kompaniiasynda jabdyqtau jönındegı direktor qyzmetın atqaryp, satyp alu funksiiasyn strategiialyq damytumen jäne jabdyqtau prosesın oŋtailandyrumen ainalysqan. Sondai-aq Basqarma müşesı retınde kompaniianyŋ jalpy basqaruşylyq mäselelerı boiynşa şeşımder qabyldauǧa qatysqan.
Eske salaiyq, ötken jyldyŋ 30 jeltoqsanda «Qazaqmys» korporasiiasynyŋ Qazaq Stroy kompaniiasynyŋ qūramyna ötkenı belgılı boldy.
