تۇركيادا ليۆيا قارۋلى كۇشتەرى باس شتابىنىڭ باستىعى مۇحاممەد ءالي ءال-حادداد مىنگەن ۇشاقتىڭ سىنىقتارى تابىلدى. بۇل تۋرالى AirportHaber جازدى، دەپ حابارلايدى «ادىرنا» ءتىلشىسى.
حايمانا اۋدانى ماڭىندا جۇرگىزىلگەن ىزدەستىرۋ-قۇتقارۋ جۇمىستارى بارىسىندا راداردان جوعالىپ كەتكەن ۇشاقتىڭ بولشەكتەرى انىقتالعان.
تۇركيانىڭ ىشكى ىستەر ءمينيسترى ءالي ەرليكايا بۇل اقپاراتتى راستادى. ايتۋىنشا، انكارا اۋەجايىنان جەرگىلىكتى ۋاقىت ساعات 20:10-دا ۇشىپ، تريپوليگە بەت العان Falcon 50 بيزنەس-دجەتىمەن بايلانىس ساعات 20:52-دە ۇزىلگەن.
ليۆيا ۇلتتىق بىرلىك ۇكىمەتىنىڭ باسشىسى ابدەل حاميد دبەيبا ءال-حاددادتىڭ جانە ونى ەرتىپ جۇرگەن ادامداردىڭ قازا تاپقانىن مالىمدەدى. مەملەكەتتىك مينيستر ۆاليد ءال-ءليافيدىڭ ايتۋىنشا، اپاتتىڭ ىقتيمال سەبەبى تەحنيكالىق اقاۋ بولۋى مۇمكىن. ۇشاق بورتىندا بارلىعى بەس جولاۋشى بولعان.
ۇشاق قالدىقتارى تابىلعان جەردە تۇركيا قارۋلى كۇشتەرىنىڭ بولىمشەلەرى، جاندارمەريا، توتەنشە جاعدايلاردىڭ سالدارىن جويۋ باسقارماسى، كولىك جانە ينفراقۇرىلىم مينيسترلىگى مەن ىشكى ىستەر مينيسترلىگىنىڭ قىزمەتكەرلەرى جۇمىس ىستەپ جاتىر. انكارانىڭ باس پروكۋراتۋراسى تەرگەۋدى باستادى.
سونداي-اق ەلدە ءۇش كۇن ازا تۇتۋ كۇنى بولىپ جاريالادى.
