الماتى اۋەجايىندا قاتتى جەل مەن نوسەر جاڭبىرعا قاراماستان، دۋشانبەدەن ۇشىپ كەلگەن جولاۋشىلار ۇشاعى اپاتتى جاعدايدا جەرگە ءساتتى قوندى، دەپ حابارلايدى “ادىرنا” ۇلتتىق پورتالى Orda.kz-كە سىلتەپ.
kris_p_almata Instagram پاراقشاسىندا جاريالانعان بەينەجازبادا ۇشاقتىڭ قونۋ ءساتى تۇسىرىلگەن. جولاۋشىلار جەلىگە جۇكتەگەن كادرلاردا ۇرەيلى ساتتەردى باستان وتكەرگەنىن بايقاۋعا بولادى. قاتتى جەلمەن شايقالعان ۇشاققا قاراماستان، ۇشقىش اۋە كەمەسىن باسقارىپ، جولاۋشىلاردىڭ امان-ەسەن جەرگە ءتۇسۋىن قامتاماسىز ەتتى.
جەلى قولدانۋشىلارى ۇشقىشتىڭ كاسىبيلىگى مەن باتىل ارەكەتىن جوعارى باعالاپ، ريزاشىلىقتارىن بىلدىرۋدە. «ناعىز ەرلىك»، «ۇشقىشقا العىس»، «قۇداي ساقتاعان» دەگەن پىكىرلەر ءجيى جازىلۋدا.
ايتا كەتەيىك، بۇعان دەيىن دە وسىنداي وقيعالار ورىن العان بولاتىن. وتكەن جىلدىڭ سوڭىندا Azerbaijan Airlines اۋە كومپانياسىنا تيەسىلى Embraer 190 ۇشاعى باكۋ–گروزنىي باعىتىندا ۇشىپ بارا جاتىپ، اقتاۋ ماڭىندا اپاتقا ۇشىراعان ەدى. سالدارىنان بىرنەشە ادام قازا تاپقان. كوز جۇمعانداردىڭ قاتارىندا قازاقستاندىقتار دا بولدى.
