ءۇندىستان ۇكىمەتى قاتاردىڭ ءامىرى - حاماد بەن حاليفا ءال ءتانيدىڭ قايتىس بولۋىنا بايلانىستى 13 شىلدەنى ۇلتتىق ازا تۇتۋ كۇنى دەپ جاريالادى. بۇل تۋرالى ەلدىڭ سىرتقى ىستەر مينيسترلىگى مالىمدەدى، دەپ حابارلايدى “ادىرنا”.
اقپاراتقا سايكەس، بۇگىن بۇكىل ەل اۋماعىندا مەملەكەتتىك تۋ تومەن ءتۇسىرىلىپ، رەسمي ويىن-ساۋىق شارالارى توقتاتىلادى.
ايتا كەتەيىك، 12 شىلدەدە ء«امىر-اكە» رەسمي لاۋازىمىنا يە قاتاردىڭ بۇرىنعى ءامىرى، شەيح حاماد بەن حاليفا ءال ءتاني 75 جاسقا قاراعان شاعىندا دۇنيەدەن وزدى.
شەيح حاماد قاتاردى 1995 جىلدان 2013 جىلعا دەيىن باسقاردى. ونىڭ بيلىگى كەزىندە ەل اۋقىمدى ەكونوميكالىق، الەۋمەتتىك جانە ينفراقۇرىلىمدىق جاڭعىرۋدان ءوتىپ، سىعىمدالعان تابيعي گازدى الەمدەگى جەتەكشى وندىرۋشىلەر مەن ەكسپورتتاۋشىلاردىڭ بىرىنە اينالدى.
سولتۇستىك گاز كەن ورنىن بەلسەندى تۇردە يگەرۋدىڭ ارقاسىندا قاتار سىعىمدالعان تابيعي گاز ەكسپورتى بويىنشا الەمدىك كوشباسشى اتاندى جانە ءوزىنىڭ ەكونوميكالىق ىقپالىن ايتارلىقتاي ارتتىردى.
