اقتاۋ ماڭىنداعى ۇشاق اپاتى تۋرالى بورتسەرىك زۋلفۋگار اسادوۆ مالىمەتىمەن ءبولىستى، دەپ حابارلايدى “ادىرنا” ۇلتتىق پورتالى
golosameriki.com سايتىندا جاريالاعانداي، بورتسەرىك زۋلفۋگار اسادوۆتىڭ ايتۋىنشا، گروزنىيعا تۇمانعا بايلانىستى قونۋعا تىيىم سالىنعان، سوندىقتان ۇشاق سىرتىنان دىبىس ەستىلگەن كەزدە ۇشقىش اينالىپ كەتكەن.
«ۇشقىش ۇشاقتى جاڭا عانا كوتەرە باستادى (بيىكتىككە قايتا ورالعان كەزدە) مەن سول قاناتتان دىبىس ەستىدىم. ءۇش سوققى بولدى»، - دەدى ول.
ول سول قولىنا بىردەڭە سوعىلعانىن سەزگەن، ال كابينادا قىسىمدى تومەندەتۋ باستالعان.
«كاپيتان وعان ۇشاقتى تەڭىزگە قوندىرۋعا كەڭەس بەرگەنىن ايتتى، بىراق ول اقتاۋعا بەت الىپ، ونى جەرگە قوندىرۋدى ۇيعاردى. ول قونۋ قيىن بولاتىنىن ەسكەرتىپ، دايىن بولۋدى جانە جولاۋشىلاردى دايىنداۋدى سۇرادى»،- دەدى بورتسەرىك اسادوۆ.
ەسكە سسلساق، 25 جەلتوقسان كۇنى باكۋ-گروزنىي باعىتىندا ۇشقان AZAL-عا تيەسىلى Embraer 190 جولاۋشىلار ۇشاعى اقتاۋ اۋەجايىنان 3 شاقىرىم جەردە اپاتقا ۇشىرادى. ۇشاق بورتىندا 67 ادام (62 جولاۋشى جانە 5 ەكيپاج مۇشەسى), رەسەي، ءازىربايجان، قازاقستان جانە قىرعىزستان ازاماتتارى بولعان. 38 ادام قايتىس بولدى.
