20 جەلتوقساننان 11 قاڭتارعا دەيىن الماتى تسيركى قالا تۇرعىندارى مەن قوناقتارىن جاڭا جىلدىق كوڭىل-كۇيگە بولەيتىن «CHRISTMAS STARS» اتتى مەرەكەلىك شوۋ-پرەمەرانى تاماشالاۋعا شاقىرادى. بۇل ەرەكشە باعدارلاما قىسقى ماۋسىمنىڭ باستى وقيعالارىنىڭ بىرىنە اينالىپ، كورەرمەندەرگە سيقىرعا تولى اسەر سىيلاماق.
17 جەلتوقسان كۇنى اتالمىش جوبانىڭ العاشقى، قايىرىمدىلىق قويىلىمى ءوتتى.
وعان بالالار ۇيلەرىنىڭ تاربيەلەنۋشىلەرى، از قامتىلعان وتباسىلاردىڭ بالالارى جانە ەرەكشە ءبىلىم بەرۋ قاجەتتىلىكتەرى بار بالالار ارنايى شاقىرىلدى. بۇل كەش كىشكەنتاي كورەرمەندەرگە شاتتىق پەن ۇمىتىلماس اسەر سىيلاعان ناعىز مەرەكەگە اينالدى.
«CHRISTMAS STARS» - جىل سايىن اسىعا كۇتەتىن جاڭا جىلدىق ەرتەگى. قويىلىم كورەرمەندى مەيىرىم، دوستىق پەن عاجايىپتار توعىسقان اسەرلى اتموسفەراعا ەنگىزىپ، تسيرك مانەجىن جارىق پەن اۋەنگە تولى مەرەكەلىك كەڭىستىككە اينالدىرادى. باعدارلاما ەرەسەكتەر مەن بالالارعا ارنالعان ءبىرتۇتاس سيۋجەتكە قۇرىلعان.
شوۋدىڭ باستى بولىمىندە درەسسۋرلانعان ەكزوتيكالىق قۇستار مەن جانۋارلار - توتىقۇستار، شيمپانزە، اسەم ءجۇرىستى اتتار، شاعىن تۇقىمدى يتتەر جانە بالالاردىڭ سۇيىكتىسى ايۋقىزى يانا ونەر كورسەتەدى.
سونىمەن قاتار كورەرمەندى كاسىبي اۋە جانە پارتەر گيمناستتارى، اكروباتتار، ەكۆيليبريستەر، جونگليورلەر جانە ارتيستىك شەبەرلىگى جوعارى ورىنداۋشىلاردىڭ قويىلىمدارى كۇتەدى. شوۋدىڭ ارنايى قوناعى - ماسكەۋدەن كەلگەن ايگىلى بو كلوۋن. ول مونتە-كارلودا وتكەن الەمدىك دەڭگەيدەگى فەستيۆالدىڭ ارنايى جۇلدەگەرى ءارى كلوۋنادا ونەرىنىڭ دامۋىنا قوسقان ۇلەسى ءۇشىن ماراپاتتالعان ونەرپاز.
قويىلىمنىڭ كوركەم تۇتاستىعىن ارنايى دايىندالعان دەكوراتسيالار، جارىق-ينجەنەرلىك شەشىمدەر، لازەرلىك ەففەكتىلەر، مۋلتيمەديالىق پروەكتسيالار جانە اۆتورلىق كوستيۋمدەر ايشىقتاي تۇسەدى. زاماناۋي تەحنولوگيا مەن تسيرك ونەرىنىڭ ۇيلەسىمى كورەرمەنگە ۆيزۋالدى اسەردىڭ جاڭا دەڭگەيىن ۇسىنادى.
«CHRISTMAS STARS» - بۇل جاڭا جىل قارساڭىندا بالا قيالىن قايتا وياتاتىن ەرەكشە شوۋ.
20 جەلتوقسان مەن 11 قاڭتار ارالىعىندا الماتىلىق تسيرك ءسىزدى ەرتەگىگە تولى «CHRISTMAS STARS» قويىلىمىنا شاقىرادى. جاڭا جىلدى تسيركتە قارسى الىپ، ءسىز دە سيقىردىڭ ءبىر بولشەگىنە اينالىڭىز.
