ءماجىلىس دەپۋتاتى ايدوس سارىم قازاقستانداعى ەڭ ۇزدىك اكىمدەردى اتادى، دەپ حابارلايدى “ادىرنا” ۇلتتىق پورتالى Ulysmedia-عا سىلتەپ.
ۇلىسمەديا مالىمەتىنشە، دەپۋتات:
«مەنىڭ ويىمشا، ەڭ ۇزدىك اكىم – الماتى قالاسىنىڭ اكىمى. سەبەبى سوڭعى بەس جىلدا قالانىڭ بيۋدجەتى ەكى ەسە ارتتى. بۇل – كاسىپكەرلەر سانى كوبەيگەنىنىڭ بەلگىسى. بىلگەنىمشە، قىزىلوردا وبلىسىندا دا جاقسى كورسەتكىشتەر بار. جالپى، وڭتۇستىك قازاقستاندا دامۋ قارقىنى جامان ەمەس، بىراق ەنەرگەتيكالىق قۋات جەتىسپەيدى. سول سەبەپتى قازىر كەيبىر كاسىپكەرلەر باسقا جاققا كەتىپ جاتىر. ال استانا بويىنشا كورسەتكىشتەر جامان ەمەس»، – دەيدى سارىم.
ال كەيىننەن باق-تا جاريالانعان مالىمەتتە بۇل پىكىر الماتى قالاسىنداعى قۇرىلىس قارقىنى مەن قالانىڭ كەلبەتىنىڭ وزگەرۋىنە بايلانىستى تۇرعىنداردىڭ سىن-پىكىرلەرى كوبەيگەن تۇستا ايتىلدى.
ۇلىسمەديا اناليتيك راسۋل رىسمامبەتوۆتىڭ دا ءسوزىن جاريالاعان. ول الماتىنى اۋعانستان استاناسى كابۋلمەن سالىستىرىپ كورسەتكەن. اناليتيك سوزىنشە، اۋعانستانعا الپاۋىت ەلدەر شابۋىل جاساسا، وڭتۇستىك استاناعا قولدان شابۋىلدار جاسالۋدا.
“ال الماتىعا – اكىمدەر مەن جەمقور اعالار عانا شابۋىلدايدى. ولار ءال-فارابي داڭعىلىنىڭ جوعارى جاعىندا قۇرىلىس سالعىسى كەلەدى”، – دەپ جازدى ول.
