الماتى قالاسى، نۇرلىتاۋ شاعىن اۋدانىنىڭ اۋماعىندا سالىنىپ جاتقان كوپقاباتتى تۇرعىن ءۇي 13 جەلتوقسان كۇنى سوت ورىنداۋشىلارىنىڭ شەشىمىمەن قيراتىلا باستادى، دەپ حابارلايدى "ادىرنا" ۇلتتىق پورتالى.
الماتى اكىمدىگىنىڭ حابارلاۋىنشا، ناۋرىز ايىندا قالا قۇرىلىسىن باقىلاۋ باسقارماسى اۋدان اۋماعىندا تەكسەرۋ جۇرگىزگەن. توسىننان تەكسەرۋ بارىسىندا زاڭدى بەلشەدەن باسقانداردىڭ ارەكەتى اشكەرەلەندى. تاۋ بوكتەرىندەگى نىساننىڭ زاڭسىز سالىنىپ جاتقانى انىقتالدى. كەيىننەن بىردەن قۇقىق بۇزۋشىلىقتى جويۋ تۋرالى ۇيعارىم شىعارىلىپ، نىسان يەسى اكىمشىلىك جاۋاپكەرشىلىككە تارتىلدى.
بوستاندىق اۋدانىنىڭ سوتى نىساندى بۇزۋدى ۇيعارسا دا، نىسان يەسى كەرى شاعىمدانىپ، قارسىلىق تانىتقان. كەيىنگى سوت وتىرىسىندا قۇرىلىس نىسانىن بۇزۋ جانە بوستاندىق اۋدانى سوتىنىڭ ۇكىمىن وزگەرىسسىز قالدىرۋ تۋرالى شەشىم قابىلداندى. قازىر حالىقتىڭ جەرىندە زاڭسىز بوي كوتەرگەن عيماراتتىڭ ىرگەسى سوگىتىلىپ، قيراتىلىپ جاتىر.
"ادىرنا" ۇلتتىق پورتالى
