مەملەكەت باسشىسى قاسىم-جومارت توقاەۆ «ءبىلىم بەرۋ جۇيەسىندەگى وتكىر پروبلەمانىڭ ءبىرى- مەكتەپتەردەگى ورىن تاپشىلىعى»، دەگەن ەدى. پرەزيدەنت اتالعان ماسەلەنى شەشۋگە شۇعىل شارا قابىلداماساق، 2025 جىلعا قاراي ورىن تاپشىلىعى 1 ميلليونعا جەتەتىندىگىن ايتقان بولاتىن، دەپ جازدى « ادىرنا» ءتىلشىسى.
«مەن 2025 جىلعا دەيىن كەمىندە 800 مەكتەپ سالۋ تۋرالى تاپسىرما بەرگەن بولاتىنمىن. بۇگىن ونىڭ سانىن ءبىر مىڭعا جەتكىزۋدى مىندەتتەيمىن»، - دەدى پرەزيدەنت قاسىم-جومارت كەمەلۇلى.
بۇگىنگى كۇنى مەملەكەت باسشىسىنىڭ مەكتەپتەردەگى ورىن سانىننىڭ ازدىعىن ازايتۋ تۋرالى تاپسىرماسىن ورىنداۋ ءىسى الماتى قالاسىندا قارقىن العان. بۇل تۋرالى شاھار اكىمى ەربولات دوساەۆ ناۋرىزباي اۋدانى حالقىمەن كەزدەسۋى بارىسىندا ايتتى.
الماتى قالاسىنا قاراتسى اۋداندا وقۋشى ورىندارىنىڭ تاپشىلىعىن ازايتۋ ماقساتىندا بىرقاتار جۇمىستار اتقارىلۋدا.
ماسەلەن، جاڭا وقۋ جىلىنا 2 مەكتەپ، ونىڭ ىشىندە: قالقامان شاعىناۋدانىندا 1 800 ورىندىق جانە قارعالى شاعىناۋدانىندا 600 ورىندىق جەكە مەنشىك مەكتەپ اشىلدى.
"جىل سوڭىنا دەيىن تاعى 2 مەكتەپ اشىلادى. اتاپ ايتقاندا، قاراشا ايىندا قالقامان شاعىناۋدانىندا 1 500 ورىندىق جانە جەلتوقساندا «الما سيتي – 5» اۋماعىندا 1 200 ورىندىق مەكتەپ اشىلادى", - دەپ مالىمدەدى اكىم.
سونىمەن قاتار شۇعىلا شاعىناۋدانىندا Qazaq Stroy كومپانياسى «الەم سيتي» (دايىندىعى - 60%) جانە «الما سيتي – 4» (10%) اۋماعىندا 2 400 ورىندىق 2 مەكتەپ سالىپ جاتىر. قۇرىلىس 2023 جىلدىڭ III-توقسانىندا اياقتالادى.
"جىل سوڭىنا دەيىن شۇعىلا شاعىناۋدانىندا № 174 مەكتەپكە 375 ورىندىق قوسىمشا قۇرىلىستىڭ جوبالاۋ-سمەتالىق قۇجاتتاماسى اياقتالىپ، مەملەكەتتىك ساراپتاماعا جىبەرىلەتىن بولادى. ساراپتاما قورىتىندىسى شىعىپ، كونكۋرستىق پروتسەدۋرالار اياقتالعاننان كەيىن 2023 جىلدىڭ II-توقسانىندا قۇرىلىسىن باستاۋ جوسپارلانعان", - دەدى مەگاپوليس باسشىسى.
قۇرامىس شاعىناۋدانىنداعى 1 500 ورىندىق جانە شۇعىلا شاعىناۋدانىنداعى 2 000 ورىندىق 2 مەكتەپتىڭ جوبالاۋ-سمەتالىق قۇجاتتاماسى ازىرلەنىپ، 2023 جىلدىڭ I-توقسانىندا مەملەكەتتىك ساراپتاماعا جىبەرىلەدى. قۇرىلىسى 2023 جىلدىڭ III-توقسانىندا باستالادى.
سونداي-اق شۇعىلا شاعىناۋدانىنداعى ەسكى №15 مەكتەپ-ينتەرنات جانە «نۇرلى دالا» تۇرعىن ءۇي كەشەنىنىڭ اۋماعىنداعى 2 مەكتەپتىڭ جوبالاۋ-سمەتالىق قۇجاتتاماسىن ازىرلەۋگە كونكۋرس جاريالاۋ ءۇشىن قۇجاتتاما دايىندالىپ جاتىر.
