سارايشىق اۋدانىندا تۇرعىندار ءۇشىن قولايلى، قاۋىپسىز ءارى ەستەتيكالىق جاعىنان تارتىمدى ورتا قالىپتاستىرۋ باعىتىندا اۋقىمدى جۇمىستار اتقارىلۋدا. 2025 جىلى اۋدان اۋماعىندا قوعامدىق كەڭىستىكتەردى اباتتاندىرۋ، اۋلالاردى جاڭعىرتۋ جانە ينفراقۇرىلىمدى جاقسارتۋ بويىنشا بىرقاتار ماڭىزدى جوبالار ىسكە اسىرىلدى. بۇل شارالار قالالىق ورتانى دامىتۋعا، تۇرعىنداردىڭ ءومىر ءسۇرۋ ساپاسىن ارتتىرۋعا جانە جايلى دەمالىس ايماقتارىن قالىپتاستىرۋعا باعىتتالعان.
بۇگىنگى تاڭدا سارايشىق اۋدانىندا ءۇش ءىرى قوعامدىق كەڭىستىكتە اباتتاندىرۋ جۇمىستارى تولىق اياقتالدى. جۇمىسشى ماماندىقتار اللەياسى اتالعان اللەيا ت. جۇرگەنوۆ كوشەسى بويىندا ورنالاسقان. بۇل اۋماقتا جاياۋ جۇرگىنشىلەرگە قولايلى ءارى مازمۇندىق ءمانى زور قوعامدىق كەڭىستىك قالىپتاستىرىلدى.
جوبانى ىسكە اسىرۋ بارىسىندا:
•7 000 شارشى مەتر اۋماققا تاس توسەلدى;
•1 982 شارشى مەتر جەرگە اسفالت جابىنى سالىندى;
•ەكى بىردەي كولەڭكەلى شاتىر ورناتىلدى;
•بالالار ويىن الاڭدارى مەن سپورتتىق ترەناجەرلەر قويىلدى;
•جۇمىسشى ماماندىقتارىنا ارنالعان التى تاقىرىپتىق قابىرعا جاساقتالدى. بۇل اللەيا ەڭبەك ادامىن ۇلىقتاۋعا جانە جاستاردى جۇمىسشى ماماندىقتارىنا ىنتالاندىرۋعا باعىتتالعان ەرەكشە كەڭىستىككە اينالدى.
ر. قوشقارباەۆ داڭعىلى – تاۋەلسىزدىك داڭعىلى – ا. بايتۇرسىنوۆ كوشەلەرى اراسىنداعى اۋماقتى اباتتاندىرۋ جۇمىستارى جۇرگىزىلدى. اتاپ ايتقاندا:
•13 810 شارشى مەتر اۋماققا تاس توسەلدى;
•ۇزىندىعى 1 700 جۇگىرمە مەتر بولاتىن ۆەلوجول سالىندى;
•تىرەۋ قابىرعالارى ورناتىلدى. بۇل جۇمىستار تۇرعىنداردىڭ جاياۋ جانە ۆەلوسيپەدپەن ەركىن ءارى قاۋىپسىز قوزعالۋىنا مۇمكىندىك بەرىپ وتىر.
تاۋەلسىزدىك داڭعىلى مەن جۇمابەك ناجيمەدەنوۆ كوشەسىندە:
•8 187 شارشى مەتر تاس توسەلدى;
•1 201 جۇگىرمە مەتر ۆەلوجول سالىندى;
•تىرەۋ قابىرعالارى ورناتىلدى;
•اتكەنشەكتەرى بار كولەڭكەلى ناۆەس ورنالاستىرىلدى. بۇل كەڭىستىك تۇرعىندار ءۇشىن دەمالىس پەن سەرۋەندەۋگە قولايلى ورتاعا اينالدى.
سونىمەن قاتار ش. قالداياقوۆ كوشەسى، 23/2 ءۇيى مەن №93 مەكتەپ-ليتسەيىنىڭ ارالىعىنداعى Bravo Family اۋماعىندا دا اباتتاندىرۋ جۇمىستارى جۇرگىزىلدى.
نەگىزگى اتقارىلعان جۇمىستار:
•4 233 شارشى مەتر تاس توسەۋ;
•اۋماقتى كوگالداندىرۋ;
•714 شارشى مەتر اسفالت جابىندىسىن سالۋ;
•30 دانا ورىندىق پەن قوقىس جاشىگىن ورناتۋ. بۇل اۋماق وتباسىلىق دەمالىسقا قولايلى ءارى كورىكتى قوعامدىق كەڭىستىك رەتىندە تۇرعىندار يگىلىگىنە بەرىلدى.
سارايشىق اۋدانىندا بارلىعى 263 اۋلا اۋماعى ورنالاسقان. ونىڭ ىشىندە 223 اۋلا قاناعاتتانارلىق جاعدايدا بولسا، 40 اۋلا اباتتاندىرۋدى قاجەت ەتەدى.
ال 2025 جىلى «حالىقتىڭ قاتىسۋ بيۋدجەتى» جوباسى اياسىندا بۇگىنگى كۇنگە دەيىن 17 اۋلا تولىق اباتتاندىرىلدى.
اۋلالاردا بالالار ويىن الاڭدارى جاڭارتىلىپ، دەمالىس ايماقتارى اباتتاندىرىلدى، جاياۋ جۇرگىنشىلەر جولدارى رەتكە كەلتىرىلدى.
سارايشىق اۋدانىندا جۇزەگە اسىرىلىپ جاتقان بۇل جوبالار تۇرعىنداردىڭ كۇندەلىكتى ءومىرىن جاقسارتۋعا، قاۋىپسىز ءارى جايلى ورتا قالىپتاستىرۋعا باعىتتالعان. الداعى ۋاقىتتا دا اۋدان اۋماعىندا اباتتاندىرۋ جۇمىستارى كەزەڭ-كەزەڭىمەن جالعاسىپ، قالا تۇرعىندارىنىڭ ۇسىنىستارى مەن قاجەتتىلىكتەرى ەسكەرىلەتىن بولادى.
