مەملەكەت باسشىسى استانا قالاسىن دامىتۋعا شىنداپ دەن قويۋ قاجەت ەكەنىن ايتتى، دەپ حابارلايدى "ادىرنا" ۇلتتىق پورتالى.
«ەڭ الدىمەن، بۇگىن ايتىلعان مىندەتتەردى دەر كەزىندە ءارى ساپالى ورىنداۋ كەرەك. استانا باس قالا دەگەن اتاۋعا لايىق بولۋعا ءتيىس. استانا كوركەيسە، بۇكىل ەلىمىزدىڭ ەڭسەسى بيىك بولادى.
استانا ادىلەتتى قازاقستاندى قۇرۋ جولىندا تۇبەگەيلى وزگەرىستەرگە ۇيىتقى بولۋى كەرەك. جالپى، قالانىڭ كۇندەلىكتى تىنىس-تىرشىلىگى ۇدايى نازاردا بولۋعا ءتيىس، - دەدى پرەزيدەنت.
سونىمەن قاتار، توقاەۆ استانا اكىمىنە ارنايى مەرزىمدە قالانىڭ احۋالىن جاقسارتۋدى تاپسىردى. ءبىر جىل ىشىندە استانانى جاقسى جاعىنا وزگەرتۋگە كۇش سالۋى قاجەت ەكەنىن ايتتى:
- اكىمگە قالانىڭ احۋالىن جاقسى جاعىنا قاراي وزگەرتۋ ءۇشىن ءبىر جىل ۋاقىت بەرەمىن. ءسىزدىڭ جۇمىسىڭىز مەنىڭ باقىلاۋىمدا بولادى. بارلىق قاجەتتى كومەكتى كورسەتەمىز. بىراق جۇمىستىڭ نەگىزگى وزەگى – ءسىزدىڭ قولىڭىزدا. تابىس تىلەيمىن»، - دەدى مەملەكەت باسشىسى.
"ادىرنا" ۇلتتىق پورتالى
