Saraişyq audanynda tūrǧyndar üşın qolaily, qauıpsız ärı estetikalyq jaǧynan tartymdy orta qalyptastyru baǧytynda auqymdy jūmystar atqaryluda. 2025 jyly audan aumaǧynda qoǧamdyq keŋıstıkterdı abattandyru, aulalardy jaŋǧyrtu jäne infraqūrylymdy jaqsartu boiynşa bırqatar maŋyzdy jobalar ıske asyryldy. Būl şaralar qalalyq ortany damytuǧa, tūrǧyndardyŋ ömır süru sapasyn arttyruǧa jäne jaily demalys aimaqtaryn qalyptastyruǧa baǧyttalǧan.
Bügıngı taŋda Saraişyq audanynda üş ırı qoǧamdyq keŋıstıkte abattandyru jūmystary tolyq aiaqtaldy. Jūmysşy mamandyqtar alleiasy atalǧan alleia T. Jürgenov köşesı boiynda ornalasqan. Būl aumaqta jaiau jürgınşılerge qolaily ärı mazmūndyq mänı zor qoǧamdyq keŋıstık qalyptastyryldy.
Jobany ıske asyru barysynda:
•7 000 şarşy metr aumaqqa tas töseldı;
•1 982 şarşy metr jerge asfalt jabyny salyndy;
•ekı bırdei köleŋkelı şatyr ornatyldy;
•balalar oiyn alaŋdary men sporttyq trenajerler qoiyldy;
•jūmysşy mamandyqtaryna arnalǧan alty taqyryptyq qabyrǧa jasaqtaldy. Būl alleia eŋbek adamyn ūlyqtauǧa jäne jastardy jūmysşy mamandyqtaryna yntalandyruǧa baǧyttalǧan erekşe keŋıstıkke ainaldy.
R. Qoşqarbaev daŋǧyly – Täuelsızdık daŋǧyly – A. Baitūrsynov köşelerı arasyndaǧy aumaqty abattandyru jūmystary jürgızıldı. Atap aitqanda:
•13 810 şarşy metr aumaqqa tas töseldı;
•ūzyndyǧy 1 700 jügırme metr bolatyn velojol salyndy;
•tıreu qabyrǧalary ornatyldy. Būl jūmystar tūrǧyndardyŋ jaiau jäne velosipedpen erkın ärı qauıpsız qozǧaluyna mümkındık berıp otyr.
Täuelsızdık daŋǧyly men Jūmabek Näjimedenov köşesınde:
•8 187 şarşy metr tas töseldı;
•1 201 jügırme metr velojol salyndy;
•tıreu qabyrǧalary ornatyldy;
•ätkenşekterı bar köleŋkelı naves ornalastyryldy. Būl keŋıstık tūrǧyndar üşın demalys pen seruendeuge qolaily ortaǧa ainaldy.
Sonymen qatar Ş. Qaldaiaqov köşesı, 23/2 üiı men №93 mektep-liseiınıŋ aralyǧyndaǧy Bravo Family aumaǧynda da abattandyru jūmystary jürgızıldı.
Negızgı atqarylǧan jūmystar:
•4 233 şarşy metr tas töseu;
•aumaqty kögaldandyru;
•714 şarşy metr asfalt jabyndysyn salu;
•30 dana oryndyq pen qoqys jäşıgın ornatu. Būl aumaq otbasylyq demalysqa qolaily ärı körıktı qoǧamdyq keŋıstık retınde tūrǧyndar igılıgıne berıldı.
Saraişyq audanynda barlyǧy 263 aula aumaǧy ornalasqan. Onyŋ ışınde 223 aula qanaǧattanarlyq jaǧdaida bolsa, 40 aula abattandyrudy qajet etedı.
Al 2025 jyly «Halyqtyŋ qatysu biudjetı» jobasy aiasynda bügıngı künge deiın 17 aula tolyq abattandyryldy.
Aulalarda balalar oiyn alaŋdary jaŋartylyp, demalys aimaqtary abattandyryldy, jaiau jürgınşıler joldary retke keltırıldı.
Saraişyq audanynda jüzege asyrylyp jatqan būl jobalar tūrǧyndardyŋ kündelıktı ömırın jaqsartuǧa, qauıpsız ärı jaily orta qalyptastyruǧa baǧyttalǧan. Aldaǧy uaqytta da audan aumaǧynda abattandyru jūmystary kezeŋ-kezeŋımen jalǧasyp, qala tūrǧyndarynyŋ ūsynystary men qajettılıkterı eskerıletın bolady.
