اقش اۋعانستان ازاماتتارىنا ۆيزا بەرۋدى ۋاقىتشا توقتاتتى. بۇل تۋرالى ەلدىڭ مەملەكەتتىك حاتشىسى ماركو رۋبيو مالىمدەدى، دەپ حابارلايدى «ادىرنا» ءتىلشىسى.
ايتۋىنشا، بۇل شەشىم اق ءۇي ماڭىنداعى اتىسقا بايلانىستى قابىلدانعان.
«پرەزيدەنت ترامپتىڭ مەملەكەتتىك دەپارتامەنتى اۋعان تولقۇجاتىمەن جۇرەتىن بارلىق ادامعا ۆيزا بەرۋدى توقتاتتى. امەريكا قۇراما شتاتتارى ءۇشىن ەڭ باستى باسىمدىق — ءوز ەلىن جانە حالقىن قورعاۋ»، — دەپ جازدى ول X الەۋمەتتىك جەلىسىندە.
بۇعان دەيىن اقش يمميگراتسيالىق قىزمەتى اۋعانستان ازاماتتارىنا قاتىستى يمميگراتسيالىق وتىنىشتەردى قاراۋ بەلگىسىز مەرزىمگە توقتاتىلعانىن حابارلاعان ەدى. وعان ۆاشينگتوندا ۇلتتىق گۆارديا قىزمەتكەرلەرىنە جاسالعان شابۋىل سەبەپ بولعان.
ۇقساس جاڭالىقتار
