يران اقش-پەن بولعان قاقتىعىستا ءوزىن جەڭىمپاز دەپ ەسەپتەيدى، دەپ حابارلايدى “ادىرنا” ۇلتتىق پورتالى Vesti.ru-عا سىلتەپ.
بۇل تۋرالى يسلام رەسپۋبليكاسىنىڭ ءسىم ابباس اراكچي مەملەكەتتىك تەلەارنا ەفيرىندە مالىمدەدى.
«سوعىستى اياقتاۋدىڭ ەڭ قولايلى ءساتى – ارتىقشىلىق ءوز قولىڭدا تۇرعان كەز. ءبىز شىنىمەن دە ۇرىس الاڭىندا جەڭىسكە جەتتىك»، – دەدى اراكچي.
ونىڭ ايتۋىنشا، تەگەران قاقتىعىس بارىسىندا اقش پەن يزرايل تاراپىنان جاسالعان شابۋىلدارعا ءتيىمدى تۇردە قارسى تۇرعان.
سونداي-اق مينيستر يراننىڭ الداعى ۋاقىتتا دا ۇلتتىق مۇددەلەرىن قورعاۋ ۇستانىمىنان باس تارتپايتىنىن اتاپ ءوتتى.
بۇعان دەيىن CNN تەلەارناسى اقش قارۋلى كۇشتەرىنىڭ جوعارى لاۋازىمدى وكىلدەرى يرانداعى جوعارى بايىتىلعان ۋران قورلارىن باقىلاۋعا الۋ ماقساتىندا قۇرلىقتاعى اسكەري وپەراتسيا جۇرگىزۋ مۇمكىندىگىن قاراستىرعانىن حابارلاعان ەدى. الايدا اقش پرەزيدەنتى ترامپ بۇل جوسپاردى ۋاقىتشا توقتاتۋ تۋرالى شەشىم قابىلداعان.
