رەسەي پرەزيدەنتى اكىمشىلىگى باسشىسىنىڭ بۇرىنعى ورىنباسارى دميتري كوزاكتىڭ وتستاۆكاسى تۋرالى جاڭا مالىمەتتەر جاريالاندى. «اگەنتستۆو» دەرەگىنشە، كوزاك قىركۇيەكتەگى قىزمەتىنەن كەتەر الدىندا ۆلاديمير پۋتينگە ۋكرايناداعى سوعىسقا قاتىستى وتە قاتاڭ سىن جازىلعان جەكە حات جولداعان، دەپ حابارلايدى "ادىرنا".
18 قىركۇيەككە دەيىن كوزاك ەكى ماڭىزدى قۇجات دايىنداعان:
• ءوز ەركىمەن وتستاۆكاعا كەتۋ تۋرالى رەسمي ءوتىنىش;
• ءپۋتيننىڭ اتىنا جازىلعان جەكە حات.
باسىلىمنىڭ مالىمەتىنشە، حاتتىڭ مازمۇنىندا رەسەيدىڭ ۋكرايناعا باسىپ كىرۋى قاتتى سىنالعان.
وتستاۆكادان كەيىن كوزاك شەتەلگە ءجيى شىعا باستاعان. ول يزرايلگە ەمدەلۋ ءۇشىن بارعانىمەن، قاۋىپسىزدىگىنە الاڭداماعان، كەيىن قايتا رەسەيگە ورالىپ جۇرگەن.
بۇرىنعى جوعارى لاۋازىمدى شەنەۋنىك بۇل ارەكەتى پۋتين تاراپىنان اشۋ تۋدىردى دەپ ەسەپتەمەيدى. ءتىپتى جاقىن ارادا پرەزيدەنتپەن قايتا كەزدەسۋگە ءۇمىتتى ەكەنىن ايتقان.
NYT دەرەككوزدەرى كوزاكتى ءپۋتيننىڭ جاقىن شەڭبەرىندەگى سوعىسقا قارسى پىكىر بىلدىرگەن جالعىز ادام دەپ سيپاتتايدى.
باسىلىم مالىمەتىنشە، ول بيىل ۋكرايناداعى اسكەري ارەكەتتەردى توقتاتۋ جانە رەسەيدىڭ ىشكى جۇيەسىن — ارنايى قىزمەتتەر مەن سوت قۇرىلىمدارىن رەفورمالاۋ تۋرالى بىرنەشە رەت ۇسىنىس جاساعان.
