Ресей президенті әкімшілігі басшысының бұрынғы орынбасары Дмитрий Козактың отставкасы туралы жаңа мәліметтер жарияланды. «Агентство» дерегінше, Козак қыркүйектегі қызметінен кетер алдында Владимир Путинге Украинадағы соғысқа қатысты өте қатаң сын жазылған жеке хат жолдаған, деп хабарлайды "Адырна".
18 қыркүйекке дейін Козак екі маңызды құжат дайындаған:
• өз еркімен отставкаға кету туралы ресми өтініш;
• Путиннің атына жазылған жеке хат.
Басылымның мәліметінше, хаттың мазмұнында Ресейдің Украинаға басып кіруі қатты сыналған.
Отставкадан кейін Козак шетелге жиі шыға бастаған. Ол Израильге емделу үшін барғанымен, қауіпсіздігіне алаңдамаған, кейін қайта Ресейге оралып жүрген.
Бұрынғы жоғары лауазымды шенеунік бұл әрекеті Путин тарапынан ашу тудырды деп есептемейді. Тіпті жақын арада президентпен қайта кездесуге үмітті екенін айтқан.
NYT дереккөздері Козакты Путиннің жақын шеңберіндегі соғысқа қарсы пікір білдірген жалғыз адам деп сипаттайды.
Басылым мәліметінше, ол биыл Украинадағы әскери әрекеттерді тоқтату және Ресейдің ішкі жүйесін — арнайы қызметтер мен сот құрылымдарын реформалау туралы бірнеше рет ұсыныс жасаған.
