بۇگىن، 7 قازاندا رەسەي پرەزيدەنتى ۆلاديمير پۋتين 74 جاسقا تولدى. الايدا مەملەكەت باسشىسى تۋعان كۇنىن اتاپ وتپەيدى. بۇل تۋرالى مەملەكەت باسشىسىنىڭ كومەكشىسى يۋري ۋشاكوۆ ايتتى، دەپ حابارلايدى «ادىرنا» ءتىلشىسى.
ونىڭ سوزىنشە، پرەزيدەنتتىڭ بۇل كۇنگى جۇمىس كەستەسىنە بىرقاتار ىسكەرلىك كەزدەسۋ مەن شارالار ەنگىزىلگەن.
«بۇل كەلىسسوزدەر تۋرالى اقپارات سايتتا جەدەل تۇردە جاريالانىپ وتىرادى»، — دەدى ۋشاكوۆ.
ال 8–9 قازاندا پۋتين تمد مەملەكەتتەرى باسشىلارى كەڭەسىنىڭ وتىرىسىنا قاتىسادى. ساپار اياسىندا كاسپي ەكولوگيالىق ءسامميتىن وتكىزۋ جوسپارلانعان.
ءسامميتتىڭ نەگىزگى تاقىرىپتارىنىڭ ءبىرى — كاسپي تەڭىزىنىڭ تارتىلۋى ماسەلەسى. كەزدەسۋ قورىتىندىسى بويىنشا ەكولوگيالىق دەكلاراتسيا قابىلدانادى دەپ كۇتىلۋدە.
كاسپي ەكولوگيالىق ءسامميتى بارىسىندا رەسەي، قازاقستان، ازەربايجان، يران جانە تۇركىمەنستان پرەزيدەنتتەرى كاسپي ماڭى ەلدەرىنىڭ تابيعاتتى قورعاۋ سالاسىنداعى ىنتىماقتاستىعىن دامىتۋ ماسەلەلەرىن تالقىلايدى. اتاپ ايتقاندا، كاسپي تەڭىزىنىڭ تارتىلۋىنىڭ الدىن الۋ جانە ونىڭ بيولوگيالىق رەسۋرستارىن ساقتاۋ شارالارى قاراستىرىلادى.
ايتا كەتۋ كەرەك، رەسەيدە ەرلەردىڭ زەينەتكەرلىك جاسىن 60-تان 65-كە دەيىن ارتتىرۋ كوزدەلۋدە.
ەسكە سالايىق، بيىل 17 مامىردا مەملەكەت باسشىسى قاسىم-جومارت توقاەۆ 73 جاسقا تولعان ەدى. ول بۇل كۇندى ءداستۇر بويىنشا جۇمىس ورنىندا قارسى الدى.
