رەسەي پرەزيدەنتى ۆلاديمير پۋتين حالىقارالىق قىلمىستىق سوت ىزدەۋ جاريالاعالى بەرى العاشقى شەتەلدىك ساپارىن جاسادى. ول قىرعىزستانعا كەلىپ، قىرعىزستان باسشىسى سادىر جاپاروۆپەن كەلىسسوزدەر جۇرگىزىپ، كانتتاعى رەسەي اۋە بازاسىنىڭ 20 جىلدىعىنا ارنالعان مەرەكەلىك شارالارعا قاتىستى. بۇل تۋرالى Euronews جاريالادى، دەپ حابارلايدى “ادىرنا” ۇلتتىق پورتالى.
كرەمل ساپاردىڭ نەگىزگى تاقىرىپتارىنىڭ ەكىجاقتى ىنتىماقتاستىقتى نىعايتۋ ەكەنىن ايتتى. مەملەكەت باسشىلارى كەلىسسوزدەر دوستىق جاعدايدا وتكەنىن اتاپ ءوتتى.
قىرعىزستان 1998 جىلى حالىقارالىق قىلمىستىق سوت قۇرۋ تۋرالى ريم ستاتۋتىنا قول قويعانىنا قاراماستان، ۆلاديمير پۋتين ۋكراينالىق بالالاردى اكەتۋ ءىسى بويىنشا قاماۋعا الۋدان قورىقپاعان. وتكەن جىلى عانا قىرعىزستان پرەزيدەنتى ريم ستاتۋتىن راتيفيكاتسيالاۋعا بۇيرىق بەرگەنىمەن، زاڭ جوباسى ءالى پارلامەنتتە قارالعان جوق.
بۇعان دەيىن ارمەنيادا ريم ستاتۋتىن راتيفيكاتسيالاۋ ماسكەۋدىڭ نارازىلىعىن تۋدىرعان بولاتىن. كرەمل بۇل قادامدى «دۇرىس ەمەس» دەپ اتاپ، ارمەنيا باسشىلىعىنا قوسىمشا سۇراقتار تۋىنداعانىن ايتتى.
