الماتى وبلىسىنىڭ ەكونوميكالىق ءوسىمى كۇشەيىپ، ءوڭىر رەسپۋبليكا بويىنشا 10-ورىننان 5-ورىنعا كوتەرىلدى.
بۇل تۋرالى الماتى وبلىسىنىڭ اكىمى مارات سۇلتانعازيەۆ ورتالىق كوممۋنكاتسيالار قىزمەتىندە وتكەن بريفينگتە ايتتى.
ءوڭىر اكىمىنىڭ سوزىنشە، قوناەۆ قالاسى وبلىس ورتالىعى بولعاننان بەرى ءوڭىر بارلىق نەگىزگى باعىت بويىنشا تۇراقتى ءوسىم كورسەتىپ كەلەدى.
جالپى وڭىرلىك ءونىم كولەمى 3,4 ترلن تەڭگەدەن 6 ترلن تەڭگەگە ۇلعايعان. 2024 جىلدىڭ قورىتىندىسى بويىنشا وبلىستىڭ رەسپۋبليكاداعى جالپى ىشكى ونىمدەگى ۇلەسى 4,4% بولسا ال 2025 جىلدىڭ العاشقى جارتىسىندا 4,8%-عا جەتتى.
ء«ىرى ونەركاسىپتىك وبلىستاردى وزىپ، شيكىزاتتىق ەمەس ەكونوميكاعا نەگىزدەلگەن ءوسۋدىڭ درايۆەرىنە اينالدىق. وسى جىلدىڭ 10 ايىنىڭ قورىتىندىسى بويىنشا قىسقا مەرزىمدى ەكونوميكالىق ينديكاتور 109,7% بولدى. بارلىق نەگىزگى سالادا وڭ ءۇردىس ساقتالىپ وتىر»، - دەدى مارات سۇلتانعازيەۆ.
