الماتى قالاسىنىڭ اكىمى حالىقارالىق قارجى كورپوراتسياسىنىڭ وكىلدەرىمەن كەزدەسۋ وتكىزدى

1915
Adyrna.kz Telegram

الماتى قالاسىنىڭ اكىمى حالىقارالىق قارجى كورپوراتسياسىنىڭ (حقك) وكىلدەرىمەن كەزدەستى، دەپ حابارلايدى "ادىرنا" ءتىلشىسى. 

شاراعا تاياۋ شىعىس، ورتالىق ازيا، تۇركيا، اۋعانستان جانە پاكىستان بويىنشا حالىقارالىق قارجى كورپوراتسياسىنىڭ وڭىرلىك ۆيتسە-پرەزيدەنتى حەلا شەيحروۋ، ورتالىق ازيا بويىنشا حالىقارالىق قارجى كورپوراتسياسى وڭىرلىك وكىلدىگىنىڭ باسشىسى كاسساندرا كولبەرت، قازاقستانداعى حالىقارالىق قارجى كورپوراتسياسى وڭىرلىك وكىلدىگىنىڭ باسشىسى ەكاتەرينا بەندجامين جانە باسقالار قاتىستى.

حقك وكىلدەرىنىڭ ايتۋىنشا، الماتى ورتالىق ازياداعى وڭىرلىك ينۆەستيتسيالىق حاب بولىپ تابىلادى. ۇيىم مەگاپوليستىڭ الەۋمەتتىك- ەكونوميكالىق  دامۋىنا ىقپال ەتەدى، مۇنداعى باستى باعىتتار – قارجى سەكتورى، اگروبيزنەس، ينفراقۇرىلىم، كليماتتىق جانە ەكولوگيالىق ينۆەستيتسيالار.

حكق   تەحنيكالىق-ەكونوميكالىق ءىرى جوبالاردى ودان ءارى نەسيەلەۋ ءۇشىن (تەن) 500 مىڭ اقش ءدوللارىنبولۋدى ۇسىندى. گرانت اعىمداعى جىلدىڭ  سوڭىنا دەيىن كەلىپ تۇسەدى. قالا اكىمى ەربولات دوساەۆتىڭ ايتۋىنشا، الماتى دامىتۋ باعدارلاماسى اياسىندا قالانىڭ سۋ رەسۋرستارى مەن سۋ شارۋاشىلىقتارى نىساندارىن جۇيەلى باسقارۋدى ۇيىمداستىرۋ  جونىندەگى الەۋەتتى جوبا قارامستىرىلعان.

كەزدەسۋ بارىسىندا ەربولات دوساەۆ سونداي-اق جاسىل وبليگاتسيالار مەن تۇراقتى دامۋ، ءىت-حاب پەن ۆەنچۋرلىك قورلاردى قۇرۋ بولىگىندە الماتى قالاسىنىڭ الەۋەتتى ينۆەستيتسيالىق جوبالارىن قوسا قارجىلاندىرۋعا حقك قاتىسۋعا قىزىعۋشىلىق ءبىلدىردى. كەزدەسۋ قورىتىندىسى بويىنشا تاراپتار ءوزارا ءتيىمدى ارىپتەستىكتى نىعايتۋعا كەلىستى.

حقك-مەن بەلسەندى ەكىجاقتى ىنتىماقتاستىقتىڭ ارقاسىندا ءتۇرلى ينۆەستيتسيالىق جوبالار، سونىڭ ىشىندە الماتى حالىقارالىق اۋەجايى، "باكاد" مەملەكەتتىك-جەكەمەنشىك جوباسى جانە ت.ب. دامىدى.

حقك-سى دۇنيەجۇزىلىك بانكتىڭ ەنشىلەس ۇيىمى، ەڭ ءىرى جاھاندىق دامۋ ينستيتۋتى، ونىڭ قۇرامىنا 185 قاتىسۋشى ەل كىرەدى. قازاقستان 1993 جىلعى 30 قىركۇيەكتە ۇيىمنىڭ تولىققاندى مۇشەسى بولدى.

پىكىرلەر