ەڭبەك جانە حالىقتى الەۋمەتتىك قورعاۋ مينيسترلىگى وسىلاي دەپ مالىمدەدى، دەپ حابارلايدى «ادىرنا» ۇلتتىق پورتالى 24.kz سايتىنا سىلتەمە جاساپ.
جۇمىسكەرلەردىڭ ناقتى اقشالاي تابىسى نومينالدى كورسەتكىشتەردەن، ياعني بەلگىلى ءبىر كەزەڭگە انىقتالعان ساننان ورتاشا ەسەپپەن 8%-عا از. بۇل - وتاندىق ەڭبەك نارىعىنىڭ دامۋىنا كەدەرگى كەلتىرەتىن باستى سەبەپتەردىڭ ءبىرى. جالاقىسى ەڭ تومەن سالالار: ءبىلىم بەرۋ، اۋىل شارۋاشىلىعى، سۋمەن جابدىقتاۋ، ونەر جانە ويىن-ساۋىق سالاسىندا. بىراق بولجامدارعا سايكەس، 4 جىلدان كەيىن حالىقتىڭ اقشالاي تابىسى 27%-عا ۇلعايۋى ءتيىس.
ۇلتتىق بانك: تسيفرلىق تەڭگە كريپتوۆاليۋتانىڭ بالاماسى ەمەس
قازاقستاننىڭ ۇلتتىق بانكى تسيفرلىق تەڭگە ازىرلەۋ جوباسىن كريپتوۆاليۋتامەن جانە ەلەكتروندىق اقشامەن شاتاستىرماۋدى سۇرايدى. ۇقساس تەحنولوگيالىق تاسىلدەرگە قاراماستان، ۇلتتىق ۆاليۋتانىڭ جاڭا نىسانىن تولەم جۇيەلەرىنىڭ وسى كلاسىنا جاتقىزۋ قاتە.
ۇلتتىق ۆاليۋتانىڭ جاڭا ءتۇرىن قۇرۋدىڭ باستى يدەياسى نەدە؟
عازيزا مۇحامەدجانوۆا، ءتىلشى:
«تسيفرلىق تەڭگە قولما-قول اقشانى نەمەسە قولما-قول ەمەس تولەمدەردى الماستىرمايتى. ول تەك قوسىمشا تولەم قۇرالى رەتىندە پايدالانىلادى.
ۇلتتىق بانك تسيفرلىق تەڭگەنى تاراتۋ جۇيەسىن ءالى تالقىلاپ جاتىر. ەگەر قارجى رەتتەۋشى جوبانى ىسكە اسىرسا، وندا تسيفرلىق تەڭگە اقشانىڭ ءبىر ءتۇرى رەتىندە بولادى. ءتىپتى قالاعان ۋاقىتتا ون قولما-قول اقشاعا اينالدىرۋعا بولادى. ال كريپتوۆاليۋتانى الۋ مۇمكىن ەمەس. سونىمەن قاتار بيتكوين جانە ەلەكتروندىق اقشا شىعارۋمەن جەكە ۇيىمدار اينالىسا الادى. ال تسيفرلىق تەڭگەنى اينالىمعا ەنگىزۋ قۇقىعىنا تەك قارجى رەتتەۋشىسى يە. ۇلتتىق ۆاليۋتانىڭ جاڭا ءتۇرى كاسىپكەرلەر مەن جەكە تۇلعالار ءۇشىن دە قولجەتىمدى بولادى. مامانداردىڭ ايتۋىنشا، تسيفرلىق تەڭگە ارقىلى كەز كەلگەن تولەمدەر مەن ەسەپتەۋلەردى ينتەرنەتكە قوسىلماي جۇرگىزىلەدى. سونداي-اق ەگەر ءبىر بيتكويننىڭ قۇنى كۇن سايىن وزگەرسە، تسيفرلىق تەڭگە باعامى الدىن الا بەلگىلەنەدى. ايتا كەتۋ كەرەك، كريپتوۆاليۋتانى ءبىزدىڭ ەلدە اقشا رەتىندە پايدالانۋعا بولمايدى. تسيفرلىق تەڭگەگە كەلەتىن بولساق، بۇل جۇيە ءۇشىن قازاقستان ۇلتتىق بانكى جاۋاپتى بولادى».
اقش-تا ازىلدەپ شىعارىلعان كريپتوۆاليۋتا تابىس اكەلدى
اقش-تا بلوگەر جىگىت ازىلدەپ ءوزىنىڭ كريپتوۆاليۋتاسىن شىعارعان. بىراق ادامدار ونىڭ ءازىل ەكەنىن تۇسىنبەي، جاڭا كريپتوۆاليۋتانى جاپپاي ساتىپ الا باستاپتى. 22 جاستاعى امەريكالىق بلوگەر اندرە ليۋيستىڭ قالجىڭداپ شىعارعان كريپتوۆاليۋتاسى جايلى Tik-Tok قولدانۋشىلارى بىردەن قاعىپ الادى. كەيىن ونى جاپپاي ساتىپ الا باستايدى. وسىنىڭ ناتيجەسىندە ءبىر ساعاتتىڭ ىشىندە ونىڭ نارىقتىق قۇنى 70 ميلليون دوللارعا جەتتى.
ۇلتتىق ستاتيستيكا بيۋروسىنىڭ مالىمەتتەرى بويىنشا ءساۋىر ايىندا ازىق-تۇلىك تاۋارلارىنىڭ باعاسى 1%-عا ءوستى. ايتارلىقتاي قىمباتتاعان ونىمدەردىڭ تىزىمىنە كوكونىستەر كىردى. ءبىر ايدا قىزىلشا 17%، كارتوپ 12% جانە ءسابىز باعاسى 10% ءوستى. كەزەكتە «نارىقتاعى باعا» ايدارى . بۇگىن وڭىرلەردەگى قىزىلشانىڭ قۇنىن شولىپ وتەمىز.
قوستانايدا ءبىر كەلى قىزىلشا 250 تەڭگە. شىمكەنتتە اتالمىش تۋار قۇنى 260 تەڭگە تۇرادى. اقتوبەدە قىشىلشانىڭ كەلىسى 265 تەڭگەدەن ساتىلىپ جاتىر. ال اقتاۋدا كوكونىستىڭ بۇل ءتۇرى 310 تەڭگەدەن ساتىلادى. الماتىدا قىزىلشانىڭ قۇنى قىمباتتىراق.455 تەڭگە. نۇر-سۇلتاندا ءبىر كەلى قىزىلشا 505 تەڭگە.
قوستاناي ₸ 250 شىمكەنت ₸ 260
اقتوبە ₸ 265 اقتاۋدا ₸ 310
الماتى ق. 455 ₸ نۇر-سۇلتان ₸ 505.
ءسوز سوڭىندا ۆاليۋتا باعامىنا توقتالايىق. وتاندىق قارجى نارىعىنداعى ساۋدا-ساتتىق ناتيجەسى بويىنشا دوللار 426 تەڭگە 85 تيىن، ەۋرو 512 تەڭگە 35 تيىن، رۋبل 5 تەڭگە 71 تيىن.
"ادىرنا" ۇلتتىق پورتالى
