2026 جىلعى 22–24 ءساۋىر ارالىعىندا ەلوردادا تۇراقتى دامۋ ماسەلەلەرىن تالقىلاۋ ءۇشىن حالىقارالىق ساراپشىلاردى، مەملەكەتتىك ورگاندار مەن بيزنەس وكىلدەرىن بىرىكتىرگەن وڭىرلىك ەكولوگيالىق سامميت وتۋدە.
«تسيركۋليارلىق ەكونوميكانىڭ جاھاندىق تاسىلدەرى جانە ۇلتتىق دەڭگەيدە ىسكە اسىرۋ» اتتى №2 پانەلدىك سەسسيا بارىسىندا «جاسىل دامۋ» اق باسقارما توراعاسى ەرجان سارسەنباي ءسوز سويلەپ، قالدىقتاردى باسقارۋ سالاسىن رەفورمالاۋ جانە تسيركۋليارلىق ەكونوميكا قاعيداتتارىن ەنگىزۋ بويىنشا قازاقستاننىڭ جۇيەلى ءتاسىلىن تانىستىردى.
باياندامانىڭ نەگىزگى وزەگى - وندىرۋشىلەردىڭ كەڭەيتىلگەن مىندەتتەمەلەرى (وكم) تەتىگىنىڭ ەكولوگيالىق ترانسفورماتسيانىڭ نەگىزگى قوزعاۋشى كۇشى رەتىندەگى ءرولى بولدى.
قازاقستان «جاسىل ەكونوميكاعا» كوشۋ تۇجىرىمداماسىن كەزەڭ-كەزەڭىمەن ىسكە اسىرىپ كەلەدى. بۇل قۇجاتقا سايكەس، قالدىقتاردى قايتا وڭدەۋ ۇلەسىن 2030 جىلعا قاراي 40%-عا، 2040 جىلعا قاراي 50%-عا جانە 2050 جىلعا قاراي 60%-عا دەيىن ارتتىرۋ كوزدەلگەن.
«جاسىل دامۋ» اق بۇگىندە ناقتى ناتيجەلەر كورسەتۋدە:
• EcoQolday باعدارلاماسى (2024–2026 جج.، بيۋدجەتى $40 ملن) اياسىندا 85 كەلىسىمشارت جاسالىپ، 136 مىڭ توننادان استام قالدىق قايتا وڭدەلدى;
• جالپى سوماسى شامامەن $400 ملن بولاتىن جەڭىلدەتىلگەن قارجىلاندىرۋ تەتىگى ىسكە قوسىلىپ، قۇنى $782 ملن بولاتىن 63 ينفراقۇرىلىمدىق جوبانى قولداۋدا;
• يەسىز قاۋىپتى قالدىقتاردى جويۋ بويىنشا جۇيەلى جۇمىس جۇرگىزىلۋدە: 17 نىساننىڭ 6-ۋى تازارتىلدى، سونداي-اق جىلىنا 520 توننا قۋاتتىلىعى بار ورتالىق ازياداعى العاشقى قاۋىپتى قالدىقتاردى جويۋ زاۋىتىن ىسكە قوسۋعا دايىندىق جۇرگىزىلۋدە;
• «تازا قازاقستان» باستاماسى اياسىندا ەكولوگيالىق مادەنيەت قالىپتاستىرىلۋدا: مىڭداعان ەكوبوكستار ورناتىلىپ، قالدىقتاردى بولەك جيناۋ جانە ەكولوگيالىق اعارتۋ جۇمىستارى ەنگىزىلۋدە.
«جاسىل دامۋ» اق باسقارما توراعاسى ەرجان سارسەنباي اتاپ ءوتتى:
«بۇگىندە تسيركۋليارلىق ەكونوميكا تۇراقتى دامۋدىڭ نەگىزگى ەلەمەنتىنە اينالۋدا. قازاقستان قالدىقتاردى رەسۋرسقا اينالدىراتىن، جاڭا نارىقتار قالىپتاستىراتىن جانە ينۆەستيتسيالار تارتۋعا جاعداي جاسايتىن پراكتيكالىق مودەل قالىپتاستىرۋدا. وكم تەتىگى جۇيەلى وزگەرىستەر قۇرالى رەتىندە ءوزىنىڭ تيىمدىلىگىن دالەلدەدى».
«جاسىل دامۋ» اق-نىڭ وڭىرلىك ەكولوگيالىق سامميتكە قاتىسۋى قازاقستاننىڭ حالىقارالىق ەكولوگيالىق كۇن تارتىبىندەگى بەلسەندى ءرولىن ايقىنداي تۇسەدى.
ۇسىنىلعان باستامالار ەكولوگيالىق جۇكتەمەنى ازايتۋعا، زاماناۋي ينفراقۇرىلىمدى دامىتۋعا جانە وزىق الەمدىك تاجىريبەلەردى ۇلتتىق قالدىقتاردى باسقارۋ جۇيەسىنە ەنگىزۋگە ىقپال ەتەدى.
الداعى ۋاقىتتا كومپانيا قالدىقتاردى باسقارۋ جونىندەگى ۇلتتىق ورتالىق قۇرۋ، بارلىق پروتسەستەردى تسيفرلاندىرۋ جانە حالىقارالىق ۇيىمدارمەن ارىپتەستىكتى كەڭەيتۋ ارقىلى سالانى دامىتۋدى جالعاستىرۋدى جوسپارلاپ وتىر.
«جاسىل دامۋ» اق ميسسياسى – مەملەكەتتىك ەكولوگيالىق ساياساتتى ىسكە اسىرۋعا جاردەمدەسۋ جانە قازاقستاننىڭ تۇراقتى ءارى رەسۋرستى ۇنەمدەيتىن ەكونوميكاعا كوشۋىن جەدەلدەتۋ.
