اقش پرەزيدەنتىنىڭ ارنايى وكىلى ستيۆ ۋيتكوفف پەن رەسەي پرەزيدەنتىنىڭ كومەكشىسى يۋري ۋشاكوۆ تەلەفون ارقىلى سويلەسپەدى. بۇل تۋرالى كرەملدىڭ ارنايى ۋاكىلى كيريلل دميتريەۆ ايتتى، دەپ حابارلايدى «ادىرنا» ءتىلشىسى.
«فەيك. قاقتىعىسۋشى تاراپتار بەيبىتشىلىككە جاقىنداعان سايىن سوعىس تۇتاتقىسى كەلەتىندەردىڭ ارەكەتى دە تىم ءورشي تۇسەدى»،- دەپ جازدى ول X الەۋمەتتىك جەلىسىندە.
ەسكە سالايىق، 26 قاراشاعا قاراعان ءتۇنى Bloomberg ساياساتكەرلەردىڭ اڭگىمەلەسكەنىن مالىمدەپ، شامامەن بەس مينۋتتىق ستەنوگرامما ۇسىنعان ەدى. وندا ەكى ەل وكىلىنىڭ 20-عا جۋىق ماسەلەنى تالقىلاعانى ايتىلادى.
حابارلاماعا سايكەس، ۋيتكوفف ۋشاكوۆقا رەسەي مەن اقش پرەزيدەنتتەرىنىڭ تەلەفون ارقىلى سويلەسۋىن، سونداي-اق گازادا بۇرىن ۇسىنىلعان جوسپارعا ۇقساس 20 تارماقتان تۇراتىن بەيبىت ۇسىنىس ازىرلەۋدى ۇيىمداستىرۋدى ۇسىنعان.
