ۇقشۇ-نىڭ [ودكب] ەندىگى باس حاتشىسى يمانعالي تاسماعامبەتوۆتىڭ جاڭا قىزمەتى ماسكەۋ مەن مينسك تاراپىنان رەسمي ماقۇلدادى. اسكەري ۇيىمنىڭ جاڭا حاتشىسىن بەلارۋس ەلشىسى ارنايى كوپشىلىككە تانىستىرىپ، ۇيىمنىڭ تۇراقتى كەڭەسىندە توبە كورسەتتى، دەپ حابارلايدى ماسكەۋدەگى بەلارۋس ەلشىلىگى.
"بەلارۋس رەسپۋبليكاسى قاۋىپسىزدىك كەڭەسىنىڭ مەملەكەتتىك دەڭگەيدەگى حاتشىسى الەكساندر ۆولفوۆيچ ءسوز الدى. ول ۇقشۇ تۇراقتى كەڭەسىنىڭ وتىرىسى بارىسىندا ۇيىمنىڭ جاڭا باس حاتشىسى، قازاقستان وكىلى يمانعالي تاسماعامبەتوۆتى كوپشىلىككە تانىستىردى",-دەپ حابارلادى ەلشىلىك ءوزىنىڭ Telegram-ارناسىندا.
سونىمەن قاتار، كەڭەس وتىرىسىندا ۆولفوۆيچ تاسماعامبەتوۆتىڭ جاقىن ارادا مينسكىگە ارنايى ساپارمەن بارۋدى جوسپارلاپ وتىرعانىن دا ءسوز ەتتى.
"ونىڭ ساياساتكەر جانە مەملەكەت قايراتكەرى رەتىندەگى باي تاجىريبەسى ۇقشۇ باس حاتشىسىنىڭ قىزمەتىن قالتقىسىز اتقارۋعا ىقپال ەتەرى ءسوزسىز. تاسماعامبەتوۆ ءبىزدىڭ ۇيىمعا جاڭا سەرپىن بەرەدى، ۇيىمنىڭ قازىرگى زامانعى سىن–تەگەۋرىندەر مەن قاۋىپ-قاتەرلەرگە سوققى بەرۋ تيىمدىلىگىن ارتىرادى، سونداي-اق ۇقشۇ-نىڭ ءرولى مەن ساياسي ماڭىزىن نىعايتادى", - دەدى الەكساندر ۆولفوۆيچ.
"ادىرنا" ۇلتتىق پورتالى
