رەسەي پرەزيدەنتى پۋتين بۇلىكتەن كەيىن ەۆگەني پريگوجينمەن جانە ونىڭ كومانديرلەرىمەن كەزدەستى، حابارلايدى “ادىرنا” Libération گازەتىنە سىلتەمە جاساپ.
شىلدەنىڭ 10-ى كۇنى الەۋمەتتىك جەلىلەردە “ۆاگنەر” جاك باسشىسى ەۆگەني پريگوجين مەن رەسەي فەدەراتسياسىنىڭ باسشىسى ۆلاديمير ءپۋتيننىڭ كەزدەسكەنى تۋرالى اقپارات تارادى.
سوڭىنان بۇل مالىمەتتى پرەزيدەنتتىڭ ءباسپاسوز حاتشىسى پەسكوۆ تە راستاۋعا ءماجبۇر بولدى.
"پرەزيدەنتتىڭ كەزدەسۋى ءوتتى، وعان 35 ادامدى شاقىرىلدى. بارلىق وترياد كومانديرلەرى مەن روتا باسشىلىعى بولدى، ونىڭ ىشىندە پريگوجين دە بار", - دەدى ول.
كەزدەسۋ بارىسىندا تاراپتار بۇلىك ناتيجەسىن تالقىلاعانعا ۇقسايدى. حاتشىنىڭ سوزىنشە، ۆلاديمير پۋتين الەمدە بولىپ جاتقان وقيعاعا «باعا بەرىپ»، كومانديرلەردىڭ تۇسىنىكتەمەلەرىن تىڭداعان:
"ولار مەملەكەت باسشىسى مەن جوعارعى باس قولباسشىنىڭ تاباندى جاقتاستارى مەن ساربازدارى ەكەنىن باسا ايتتى، سونىمەن قاتار وتان ءۇشىن كۇرەستى جالعاستىرۋعا دايىن ەكەندىكتەرىن جەتكىزدى. بۇل كەزدەسۋ تۋرالى تەك وسىنى ايتا الامىز", - دەپ تۇيىندەدى ءسوزىن پەسكوۆ.
Libération گازەتىنىڭ جاريالاۋىنشا ەۆگەني پريگوجين 1 شىلدەدە كرەملگە ارنايى شاقىرىلىپ، وندا پۋتينمەن، سونداي-اق ۇلتتىق گۆارديا باسشىسى ۆيكتور زولوتوۆپەن جانە سىرتقى بارلاۋ قىزمەتىنىڭ باسشىسى سەرگەي نارىشكينمەن كەزدەسكەن. كەزدەسۋدەن باسقا ەشقانداي اقپارات جاريالانبادى.
