اقش پرەزيدەنتى دونالد ترامپ سارسەنبى كۇنى ۋكراينا باسشىسى ۆلاديمير زەلەنسكيمەن تەلەفون ارقىلى سويلەستى، دەپ حابارلايدى "ادىرنا" ۇلتتىق پورتالى.
بۇل تۋرالى ول Truth Social الەۋمەتتىك جەلىسىندە جازدى.
«جاڭا عانا ۋكراينا پرەزيدەنتى ۆلاديمير زەلەنسكيمەن تەلەفون ارقىلى وتە جاقسى سويلەستىم»، – دەپ اتاپ ءوتتى ترامپ. ونىڭ ايتۋىنشا، اڭگىمە شامامەن ءبىر ساعاتقا سوزىلعان.
«تالقىلاۋدىڭ نەگىزگى بولىگى رەسەي مەن ۋكراينانىڭ ءوز تالاپتارى مەن قاجەتتىلىكتەرىنە قاتىستى ۇستانىمدارىن ۇيلەستىرۋ ماقساتىندا كەشە پرەزيدەنت پۋتينگە قوڭىراۋ شالۋعا ارنالدى. ءبىز دۇرىس باعىتتا نىق قادام باسىپ كەلەمىز»، – دەپ ءتۇسىندىردى ول.
ترامپ مەملەكەتتىك حاتشى ماركو رۋبيوعا جانە اقش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى مايك ۋولتتسقا «تالقىلانعان ماسەلەلەردىڭ ناقتى مازمۇنىن» دايىنداۋدى تاپسىرعانىن ايتتى.
«بۇل مالىمدەمە جاقىن ارادا جاريالانادى»، – دەپ تولىقتىردى امەريكالىق كوشباسشى.
ايتا كەتەيىك، 18 ناۋرىز، سەيسەنبى كۇنى اقش پەن رەسەي پرەزيدەنتتەرى دونالد ترامپ پەن ۆلاديمير پۋتين تەلەفون ارقىلى سويلەسكەن بولاتىن.
سونداي-اق، ۋكراينا مەن رەسەي 175-تەن 175 فورمۋلاسى بويىنشا اسكەري تۇتقىندارمەن الماستى.
