قازاقستاندىق CPC Blend ماركالى مۇنايدىڭ باعاسى الەمدىك ەتالون سانالاتىن Brent قۇنىنان اسىپ، باررەلىنە 128 دوللارعا جەتتى. ال Brent مۇنايىنىڭ باعاسى 109,86 دوللاردى قۇرادى، دەپ حابارلايدى "ادىرنا".
Oilprice مالىمەتىنشە، قازىرگى كورسەتكىش بويىنشا CPC Blend مۇنايى Brent-تەن شامامەن 16,5 پايىزعا قىمبات ساتىلىپ جاتىر. بۇعان دەيىن قازاقستاندىق مۇناي، كەرىسىنشە، Brent-تەن تومەن باعالاناتىن.
باعاداعى ەلەۋلى وزگەرىس 2026 جىلعى قىركۇيەكتە بايقالدى. سول كەزەڭدە CPC Blend قۇنى باررەلىنە 120 دوللاردان اسىپ، Brent 105–109 دوللار ارالىعىندا ساۋدالانعان. قىركۇيەكتىڭ سوڭى مەن قازان ايىندا ەكى ماركانىڭ باعاسى اراسىنداعى ايىرماشىلىق كەي كۇندەرى 15–20 دوللاردان دا جوعارى بولدى.
الايدا قازاقستاندىق مۇناي باعاسىنىڭ قىمباتتاۋى ەلدىڭ ءار باررەلدەن تۇسەتىن تابىسى ءدال وسىنشا ءوستى دەگەندى بىلدىرمەيدى. مۇنايدى تاسىمالداۋ قۇنى، نارىقتاعى جاعداي جانە باسقا دا شىعىندار ناقتى كىرىسكە اسەر ەتۋى مۇمكىن.
