ەكۆادوردا نارازىلىق بىلدىرۋشىلەر ەل پرەزيدەنتى دانيەل نوبوانىڭ كورتەجىنە شابۋىل جاسادى، دەپ حابارلايدى «ادىرنا» ءتىلشىسى.
وقيعا 7 قازان كۇنى كانيار پروۆينتسياسىندا بولعان. Reuters اگەنتتىگىنىڭ مالىمەتىنشە، نارازىلىق بىلدىرۋشىلەر جانارمايعا بەرىلەتىن سۋبسيديالاردىڭ الىنىپ تاستالۋىنا بايلانىستى پرەزيدەنتتىڭ كورتەجىنە تاس لاقتىرعان. ەكۆادوردىڭ قورشاعان ورتا جانە ەنەرگەتيكا ءمينيسترى ينەس مانسانو بۇل وقيعانى پرەزيدەنتكە جاسالعان قاستاندىق دەپ اتادى.
ءمينيستردىڭ ايتۋىنشا، كولوننانى شامامەن 500 ادام قورشاعان، ال نوبوا وتىرعان كولىكتەن وق ىزدەرى تابىلعان.
بيلىك بەس ادامدى ۇستادى. ولارعا تەرروريزم جانە كىسى ولتىرۋگە وقتالۋ باپتارى بويىنشا ايىپ تاعىلماق.
ايتا كەتەيىك، ەكۆادورداعى نارازىلىقتار قىركۇيەك ايىنىڭ ورتاسىنان بەرى جالعاسىپ كەلەدى. ولاردى ديزەل وتىنىنا بەرىلەتىن سۋبسيديالاردىڭ توقتاتىلۋى مەن باعانىڭ وسۋىنە قارسى CONAIE بايىرعى حالىقتار كونفەدەراتسياسى ۇيىمداستىرعان. ۇكىمەت بۇل تارتىپسىزدىكتەرگە ەسىرتكى كارتەلدەرىءنىڭ قاتىسى بولۋى مۇمكىن دەسە، نارازىلىق ۇيىمداستىرۋشىلار پوليتسيا تاراپىنان زاڭسىز ۇستاۋلار مەن زورلىق-زومبىلىق بار ەكەنىن ايتۋدا.
