بۇگىن ۇلىتاۋ وبلىسىندا بيلىك وكىلدەرى، اگرارلىق سالانىڭ ماماندارى جانە ساراپشىلار قاۋىمداستىعى اراسىندا اشىق ديالوگقا ارنالعان «گۇلدەنسە اۋىل – گۇلدەنەدى ەلىمىز» وبلىستىق اوك فورۋمى ءوتتى.
ء ىس-شاراعا قازاقستان رەسپۋبليكاسى اۋىل شارۋاشىلىعى ۆيتسە-ءمينيسترى امانعالي بەردالين، وبلىس اكىمى داستان رىسپەكوۆ، قر پارلامەنتى سەناتىنىڭ جانە ءماجىلىسىنىڭ دەپۋتاتتارى، وبلىستىق ءماسليحات دەپۋتاتتارى، جەرگىلىكتى فەرمەرلەر مەن اۋىل شارۋاشىلىعى تاۋارىن وندىرۋشىلەر قاتىستى.
فورۋم جۇمىسى «AgroQazaq: تەحنيكا. ءونىم. بولاشاق» كورمەسىنەن باستالدى. كورمەدە اۋىل شارۋاشىلىعى تەحنيكاسى جانە ء«بىر اۋىل – ءبىر ءونىم» جوباسىنىڭ وبلىستىق كەزەڭىنە قاتىسۋشى جەرگىلىكتى اۋىل شارۋاشىلىعى وندىرۋشىلەرىنىڭ ونىمدەرى ۇسىنىلدى.
اگروونەركاسىپتىك كەشەندى دامىتۋدىڭ وزەكتى ماسەلەلەرى فورۋمنىڭ پلەنارلىق سەسسياسىندا تالقىلاندى. سەسسياعا قازاقستان رەسپۋبليكاسى اۋىل شارۋاشىلىعى ۆيتسە-ءمينيسترى امانعالي بەردالين، قر پارلامەنتى ءماجىلىسىنىڭ دەپۋتاتى، اگرارلىق ماسەلەلەر كوميتەتىنىڭ توراعاسى سەرىك ەگىزباەۆ، قازاقستان فەرمەرلەرىنىڭ رەسپۋبليكالىق قاۋىمداستىعى باسقارماسىنىڭ توراعاسى جيگۋلي دايراباەۆ قاتىستى.
فورۋمنىڭ نەگىزگى تاقىرىپتارى فەرمەرلەردى ساپالى رەسۋرستارمەن قامتاماسىز ەتۋ، مەملەكەتتىك قولداۋ تەتىكتەرىن جەتىلدىرۋ، يرريگاتسيالىق جۇيەلەردى دامىتۋ، اۋىل شارۋاشىلىعى تەحنيكاسىن جاڭعىرتۋ جانە وندىرىستىك پروتسەستەرگە تسيفرلىق تەحنولوگيالاردى ەنگىزۋ ماسەلەلەرىن قامتىدى. سونداي-اق يننوۆاتسيالىق جوبالار شەڭبەرىندە مال شارۋاشىلىعى سالاسىنداعى زاماناۋي قولدان ۇرىقتاندىرۋ ادىستەرىنىڭ يننوۆاتسيالىق باعدارلاماسى تانىستىرىلدى.
تالقىلاۋ قورىتىندىسى بويىنشا ۇلىتاۋ وبلىسىنىڭ اگروونەركاسىپتىك كەشەنىنىڭ الەۋەتىن ارتتىرۋعا جانە وزەكتى ماسەلەلەردى شەشۋگە باعىتتالعان بىرقاتار ۇسىنىستار ازىرلەندى.
فورۋم ايماقتىڭ فەرمەرلىك جانە اۋىل شارۋاشىلىعى سالاسىن ودان ءارى دامىتۋعا باعىتتالعان تاجىريبە الماسۋ، ماسەلەلەردى تالقىلاۋ جانە بىرلەسكەن باستامالاردى قالىپتاستىرۋ ءۇشىن ناتيجەلى الاڭ بولدى.
