جاقىندا «ۋاقىتپەن ۇندەس ءۇن: ازاماتتىق قوعام جانە ۇلتتىق قۇندىلىقتار» تاقىرىبىندا سولتۇستىك قازاقستان وبلىسىنىڭ XII وڭىرلىك ازاماتتىق فورۋمى ءوتتى.
ازاماتتىق باستامالاردى قولداۋ مەن ۇكىمەتتىك ەمەس ۇيىمداردىڭ الەۋەتىن ارتتىرۋدى كوزدەگەن فورۋم ءوڭىردىڭ قوعامدىق-ساياسي ومىرىندەگى ماڭىزدى وقيعاعا اينالدى. ءىس-شارانىڭ باستى ماقساتى – ازاماتتىق قوعامنىڭ تۇراقتى دامۋىن قامتاماسىز ەتە وتىرىپ، ۇلتتىق بىرلىك پەن ادىلەتتىلىكتى نىعايتۋ، سونداي-اق مەملەكەتتىك قۇرىلىمدار مەن ۇكىمەتتىك ەمەس سەكتور اراسىنداعى ءوزارا سەرىكتەستىكتى جان-جاقتى دامىتۋ بولدى.
فورۋمعا وڭىردەگى ۇكىمەتتىك ەمەس ۇيىم جەتەكشىلەرى، ۇلتتىق قۇرىلتاي مۇشەلەرى، ورتالىق جانە جەرگىلىكتى اتقارۋشى ورگانداردىڭ وكىلدەرى، ساياسي پارتيالار، ساراپشىلار، عىلىمي قاۋىمداستىق، بۇقارالىق اقپارات قۇرالدارىنىڭ وكىلدەرى، قازاقستان حالقى اسسامبلەياسىنىڭ مۇشەلەرى، ءماسليحات دەپۋتاتتارى جانە بەلسەندى ازاماتتار قاتىستى.
ءىس-شارا اياسىندا:
ۇلتتىق بىرەگەيلىك پەن ادىلەتتىلىكتى نىعايتۋداعى ازاماتتىق قوعامنىڭ رولىنە ارنالعان پلەنارلىق وتىرىس;
«ۇزدىك ۇەۇ» اتاعىنا ۇسىنىلعان 13 جوبانى قامتىعان كورمە;
مەملەكەتتىك الەۋمەتتىك تاپسىرىس پەن ۇەۇ-عا قاتىستى زاڭنامالاردى جەتىلدىرۋگە ارنالعان ديالوگ الاڭى;
ماستەر-كلاسستار مەن وقىتۋ باعدارلامالارى ءوتتى.
فورۋمدا ۇلتتىق قۇندىلىقتاردى ناسيحاتتاۋ، ازاماتتىق جاۋاپكەرشىلىكتى ارتتىرۋ جانە ءتۇرلى قوعامدىق توپتار اراسىنداعى ءتيىمدى سەرىكتەستىكتى قالىپتاستىرۋ جولدارى كەڭىنەن تالقىلاندى.
