ۇلىتاۋ وبلىسىندا جانتۇرشىگەرلىك جول اپاتى بولدى، دەپ حابارلايدى "ادىرنا" ۇلتتىق پورتالى.
26 مامىر كۇنى ساعات 14:15-تە جەزقازعان – پەتروپاۆل رەسپۋبليكالىق ماڭىزى بار اۆتوجولدا، ساتباەۆ قالاسىنان جەزدى كەنتىنە دەيىنگى ۋچاسكەدە ەكى كولىك ءبىر-بىرىمەن سوقتىعىسقان.
پوليتسيا مالىمەتىنشە، 2002 جىلى تۋعان جۇرگىزۋشىنىڭ باسقارۋىنداعى Mercedes-Benz 190 ماركالى اۆتوكولىگى قارسى جولاققا شىعىپ كەتكەن. ول 1978 جىلى تۋعان جۇرگىزۋشىنىڭ باسقارۋىنداعى Chevrolet Nexia ماركالى ماشينامەن بەتپە-بەت سوقتىعىستى.
وقيعا ورنىندا ءتورت ادام قازا تاپتى. Chevrolet Nexia كولىگىنىڭ جۇرگىزۋشىسى، ونىڭ 1978, 1981 جانە 1971 جىلى تۋعان ءۇش ايەل جولاۋشىسى، ودان بولەك 2002 جىلى تۋعان Mercedes-Benz 190 كولىگىنىڭ ءبىر جولاۋشىسى قايتىس بولعان.
ال Mercedes-Benz 190 كولىگىنىڭ جۇرگىزۋشىسى جانە ونىڭ 2002 جىلى تۋعان ايەل جولاۋشىسى جەزقازعان قالاسىنىڭ ورتالىق اۋرۋحاناسىنا جەتكىزىلدى. جول اپاتىنا ۇشىراعانداردىڭ ۇلىتاۋ وبلىسىنىڭ توتەنشە جاعدايلار باسقارماسىنىڭ كىشى سەرجانتتارى ەكەنى انىقتالدى.
ودان بولەك، Chevrolet Nexia جولاۋشىلارى 1999 جىلى تۋعان ايەل جانە 2023 جىلى تۋعان قىز ءتۇرلى جاراقاتپەن جەزقازعان قالاسىنىڭ ورتالىق اۋرۋحاناسىنا جاتقىزىلعانى بەلگىلى بولدى.
