جەتىسۋ وبلىسىندا اسكەري ماقساتتاعى تەمىرجول ينفراقۇرىلىمى نىسانى مەملەكەتكە قايتارىلدى. بۇل تۋرالى باس اسكەري پروكۋراتۋرا ايتتى، دەپ حابارلايدى «ادىرنا» ءتىلشىسى.
سارىوزەك گارنيزونىنىڭ اسكەري پروكۋراتۋراسى جۇرگىزگەن تالداۋ ناتيجەسىندە جەر كوميسسياسىنىڭ شەشىمى جانە جەر قاتىناستارى جونىندەگى جەرگىلىكتى ورگانمەن جاسالعان ساتىپ الۋ-ساتۋ شارتى نەگىزىندە اسكەري بولىمدەردىڭ ءبىرىنىڭ تەمىرجولعا باراتىن تارماعىنىڭ ءبىر بولىگىن كوممەرتسيالىق قۇرىلىمنىڭ مەنشىگىنە زاڭسىز بەرۋ فاكتىسى انىقتاعان. قاداعالاۋ اكتىسى نەگىزىندە اسكەري ءبولىم جەتىسۋ وبلىسىنىڭ مامانداندىرىلعان اۋدانارالىق اكىمشىلىك سوتىنا اتالعان شەشىم مەن شارتتى زاڭسىز دەپ تانۋ تۋرالى تالاپ ارىزبەن جۇگىنگەن.
«سوتپەن تالاپ ارىز قاناعاتتاندىرىلدى، قۇنى 75 ملن تەڭگەدەن اساتىن كىرمە جول قورعانىس ۆەدومستۆوسىنىڭ مەنشىگىنە قايتارىلدى. اسكەري پروكۋراتۋرا ورگاندارى اسكەري نىسانداردىڭ ساقتالۋىن جانە ولاردى ءتيىستى پايدالانۋىن قامتاماسىز ەتۋ جونىندەگى قاداعالاۋ شارالارىنىڭ ىسكە اسۋىن ودان ءارى جالعاستىرادى»،- دەلىنگەن حابارلامادا.
