قازاقستان رەسپۋبليكاسى ۇكىمەتىنىڭ قاۋلىسىمەن ءاليا رۇستەموۆا دەنساۋلىق ساقتاۋ ۆيتسە-ءمينيسترى قىزمەتىنە تاعايىندالدى، دەپ حابارلايدى "ادىرنا" ۇلتتىق پورتالى.
بۇل تۋرالى ۇكىمەتتىڭ ءباسپاسوز قىزمەتى حابارلادى.
ءاليا رۇستەموۆا 1970 جىلى الماتى وبلىسىندا دۇنيەگە كەلگەن. الماتى مەملەكەتتىك مەديتسينا ۋنيۆەرسيتەتىن جانە ءى.جۇنسۇگىروۆ اتىنداعى جەتىسۋ مەملەكەتتىك ۋنيۆەرسيتەتىن تامامداعان.
ەڭبەك جولىن 1992 جىلى تالعار اۋداندىق اۋرۋحاناسىندا دارىگەر-تەراپەۆت بولىپ باستاعان. ءار جىلدارى الماتى قالاسىنداعى №7 ەمحانادا، №5 قالالىق كلينيكالىق اۋرۋحانادا تەراپەۆت، كلينيكالىق ورديناتور جانە اسپيرانت رەتىندە قىزمەت اتقاردى.
2000 جىلدان باستاپ دەنساۋلىق ساقتاۋ سالاسىنداعى باسشىلىق قىزمەتتەرگە اۋىستى. تالعار قالاسىنىڭ مەديتسينالىق مەكەمەلەرىندە باس دارىگەردىڭ ورىنباسارى، الماتى وبلىسى دەنساۋلىق ساقتاۋ باسقارماسىنىڭ باس مامانى، مەديتسينالىق قىزمەتتەر كورسەتۋ سالاسىنداعى باقىلاۋ كوميتەتىنىڭ اۋماقتىق بولىمشە باسشىسى بولدى.
سونداي-اق قىزىلوردا وبلىسى بويىنشا مەديتسينالىق قىزمەتتەرگە اقى تولەۋ كوميتەتى دەپارتامەنتىن، الماتى قالاسى بويىنشا مەديتسينالىق جانە فارماتسەۆتيكالىق قىزمەتتى باقىلاۋ دەپارتامەنتىن باسقاردى.
2012–2015 جىلدارى استانا قالاسىنداعى تراۆماتولوگيا جانە ورتوپەديا عزي-دا عىلىمي حاتشى ءارى يننوۆاتسيالىق دامۋ ءبولىمىنىڭ مەڭگەرۋشىسى قىزمەتتەرىن اتقاردى.
2015–2022 جىلدارى سولتۇستىك قازاقستان جانە نۇر-سۇلتان قالالارىندا قوعامدىق دەنساۋلىق ساقتاۋ جانە مەديتسينالىق قىزمەتتى باقىلاۋ باعىتىندا باسشىلىق لاۋازىمداردا ەڭبەك ەتتى.
2023 جىلدىڭ قىركۇيەگىنەن بەرى استانا قالاسى قوعامدىق دەنساۋلىق ساقتاۋ باسقارماسىنىڭ باسشىسى بولىپ قىزمەت اتقاردى.
جاڭا قىزمەتتە ءاليا رۇستەموۆا دەنساۋلىق ساقتاۋ جۇيەسىن جەتىلدىرۋ جانە سالانىڭ نەگىزگى باعىتتارىن ۇيلەستىرۋمەن اينالىسادى.
