پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا مەملەكەت باسشىسى قاسىم-جومارت توقاەۆتىڭ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى تسيفرلىق وزگەرىستەر ارقىلى شەشۋ» اتتى جولداۋىن جۇزەگە اسىرۋ جونىندەگى جالپىۇلتتىق ءىس-شارالار جوسپارى قارالدى.
پرەمەر-مينيستر مەملەكەت باسشىسى جولداۋدا ەلىمىزدى دامۋدىڭ جاڭا دەڭگەيىنە كوتەرۋ ءۇشىن جۇيەلى شارالار كەشەنىن قابىلداۋدى تاپسىرعانىن اتاپ ءوتتى. ۇكىمەتتىڭ الدىنا ەكونوميكاعا، اگروسەكتورعا جانە لوگيستيكا مەن تۇرعىن ءۇي-كوممۋنالدىق شارۋاشىلىق سالاسىنا تسيفرلىق شەشىمدەر مەن جاساندى ينتەللەكتىنى ەنگىزۋ بويىنشا ناقتى مىندەتتەر قويىلدى.
ء«بىز پرەزيدەنتتىڭ ينۆەستيتسيالىق احۋالدى جاقسارتۋ، نەگىزگى سالالاردى جاڭعىرتۋ، مەملەكەتتىڭ تيىمدىلىگىن ارتتىرۋ جانە مۇقتاج ادامداردى الەۋمەتتىك قامسىزداندىرۋعا باعىتتالعان ستراتەگيالىق باستامالارىن ىسكە اسىرۋ ءۇشىن ناتيجەلى شارالار قابىلدايمىز. جاپپاي تسيفرلىق ترانسفورماتسيا، ەكونوميكانى جاڭعىرتۋ جانە ادام كاپيتالىن نىعايتۋ ارقىلى ەلىمىزدىڭ ورنىقتى دامۋىن قامتاماسىز ەتۋىمىز قاجەت. مەملەكەت باسشىسىنىڭ جولداۋىن جۇزەگە اسىرۋ جونىندەگى جالپىۇلتتىق ءىس-شارالار جوسپارى العا قويىلعان بارلىق مىندەتتەرگە ساي كەلەدى. مەملەكەتتىك ورگانداردىڭ ءبىرىنشى باسشىلارى جوسپارداعى ءىس-شارالاردىڭ ساپالى ءارى ۋاقتىلى ورىندالۋىن قامتاماسىز ەتۋى ءتيىس. بارلىق قارجىلاندىرۋ ماسەلەلەرىن شۇعىل شەشۋ قاجەت»،- دەپ اتاپ ءوتتى ولجاس بەكتەنوۆ.
داۋىس بەرۋ بارىسىندا جالپىۇلتتىق جوسپار جوباسى ءبىراۋىزدان قولداۋ تاپتى. ۇلتتىق ەكونوميكا مينيسترلىگىنە ۇكىمەت اپپاراتىمەن بىرلەسىپ، مەملەكەت باسشىسىنىڭ ءتيىستى جارلىعىنىڭ جوباسىن پرەزيدەنت اكىمشىلىگىنە ەنگىزۋ تاپسىرىلدى. پرەمەر-ءمينيستردىڭ ورىنباسارلارى ەرەجەلەرگە سايكەس جوسپاردىڭ جۇزەگە اسىرىلۋىن باقىلاۋدى جانە ۇيلەستىرۋدى قامتاماسىز ەتەدى.
