Qazaqstan Respublikasy Ükımetınıŋ qaulysymen Äliia Rüstemova densaulyq saqtau vise-ministrı qyzmetıne taǧaiyndaldy, dep habarlaidy "Adyrna" ūlttyq portaly.
Būl turaly Ükımettıŋ baspasöz qyzmetı habarlady.
Äliia Rüstemova 1970 jyly Almaty oblysynda düniege kelgen. Almaty memlekettık medisina universitetın jäne I.Jünsügırov atyndaǧy Jetısu memlekettık universitetın tämamdaǧan.
Eŋbek jolyn 1992 jyly Talǧar audandyq auruhanasynda därıger-terapevt bolyp bastaǧan. Är jyldary Almaty qalasyndaǧy №7 emhanada, №5 qalalyq klinikalyq auruhanada terapevt, klinikalyq ordinator jäne aspirant retınde qyzmet atqardy.
2000 jyldan bastap densaulyq saqtau salasyndaǧy basşylyq qyzmetterge auysty. Talǧar qalasynyŋ medisinalyq mekemelerınde bas därıgerdıŋ orynbasary, Almaty oblysy Densaulyq saqtau basqarmasynyŋ bas mamany, Medisinalyq qyzmetter körsetu salasyndaǧy baqylau komitetınıŋ aumaqtyq bölımşe basşysy boldy.
Sondai-aq Qyzylorda oblysy boiynşa Medisinalyq qyzmetterge aqy töleu komitetı departamentın, Almaty qalasy boiynşa Medisinalyq jäne farmasevtikalyq qyzmettı baqylau departamentın basqardy.
2012–2015 jyldary Astana qalasyndaǧy Travmatologiia jäne ortopediia ǦZİ-da ǧylymi hatşy ärı innovasiialyq damu bölımınıŋ meŋgeruşısı qyzmetterın atqardy.
2015–2022 jyldary Soltüstık Qazaqstan jäne Nūr-Sūltan qalalarynda qoǧamdyq densaulyq saqtau jäne medisinalyq qyzmettı baqylau baǧytynda basşylyq lauazymdarda eŋbek ettı.
2023 jyldyŋ qyrküiegınen berı Astana qalasy Qoǧamdyq densaulyq saqtau basqarmasynyŋ basşysy bolyp qyzmet atqardy.
Jaŋa qyzmette Äliia Rüstemova densaulyq saqtau jüiesın jetıldıru jäne salanyŋ negızgı baǧyttaryn üilestırumen ainalysady.
