ءومىر جولىندا كەيبىر ادامدار جەتىستىككە تەز قول جەتكىزسسە، ەندى ءبىرى كەدىر-بۇدىر جولدارمەن جەتىپ جاتادى. ال بۇگىنگى قالام تارتىپ وتىرعان استانا قالاسى اكىمدىگى مۋزىكالىق جاس كورەرمەندەر تەاترىنىڭ اكتەرى اققانات قۋاندىقوۆ تا، وسى ۋاقىتقا دەيىنگى بەلەستەرىنە ءتۇرلى وتپەلى كەزەڭدەر ارقىلى قول جەتكىزدى.
اققاناتتىڭ تەاتر ساحناسىنداعى تۇڭعىش ءرولى م.وماروۆانىڭ ء«شامشى» ميۋزيكلىندەگى ءابىلاحات ەسپاەۆ بەينەسى بولاتىن. اققانات-ءابىلاحات ەسپاەۆ-شىعارماداعى رۋحاني سالماق پەن كاسىبي بيىكتىكتى تانىتاتىن ماڭىزدى وبرازداردىڭ ءبىرى.
ءابىلاحات ەسپاەۆ – تەك كومپوزيتور عانا ەمەس، ونەردەگى ۇستاز، باعىت بەرۋشى، ەستەتيكالىق تالعامنىڭ ولشەمى رەتىندە كورىنەدى. اققانات وسىنى ۇعىنادى.
مۋزىكالىق جاس كورەرمەندەر تەاترىنداعى «گاۋحارتاس» مۋزىكالىق دراماسى كوپشىلىكتىڭ ىستىق ىقىلاسىنا بولەنگەن قويىلىمنىڭ ءبىرى. اكتەرلەردىڭ شىعارماشىلىق تۇرعىدان اشىلۋىنا دا، تيگىزەر پايداسى مول.
گاۋھارتاس دراماسىنداعى اققانات قۋاندىقوۆ ورىنداۋىناعى تاستان بەينەسى — ىشكى قايشىلىعى تەرەڭ، تاعدىر مەن مىنەز تارتىسى ارقىلى اشىلاتىن كۇردەلى بەينە.تاستان – سىرت كوزگە سۋىق، قاتال، ءتىپتى دورەكى كورىنەتىن كەيىپكەر. بىراق بۇل مىنەزدىڭ تۇبىندە تەرەڭ ىشكى جارا، ءومىردىڭ اۋىرتپالىعى جاتىر.
اققانات قۋاندىقوۆ وسى سەزىمدى ەكى قاباتتى ياعني، سىرتقى قاتالدىق پەن ىشكى سەزىم ارقىلى قاتار الىپ شىعادى. تاستان – تەك ءبىر ادامنىڭ ەمەس، تۇتاس ءبىر ءداۋىردىڭ پسيحولوگياسى. اققانات قۋاندىقوۆ سومداعان تاستان – تراگەديالىق تەرەڭدىگى بار، كورەرمەندى ويلانتاتىن ءرول. ول ماحابباتتى جوعالتۋدىڭ ەمەس، ونى جەتكىزە الماۋدىڭ قاسىرەتىن كورسەتەدى.
اققانات قۋاندىقوۆ «عاشىق جۇرەك» پوەتيكالىق دراماسىنداعى ءشامىل اقىن بەينەسىن نۇسقالايدى. ءشامىل-اققانات— ليريكالىق تەرەڭدىگى مەن ىشكى ءدراماتيزمى ۇشتاسقان نازىك تە ەرەكشە بەينە.
اققانات قۋاندىقوۆ سومداعان ءشامىل – سىرتقى ارەكەتتەن گورى ىشكى الەمگە قۇرىلعان، تەرەڭ ليريكالىق وبراز. بۇل ءرول اكتەردەن ۇلكەن پسيحولوگيالىق دالدىك پەن پوەتيكالىق سەزىمتالدىقتى تالاپ ەتەدى جانە سول قاسيەتتەر ارقىلى كورەرمەن جۇرەگىنە جەتەدى.
حالىق قاھارمانى ءا.مامبەتوۆ: «ونەر – ءومىردىڭ شىندىعىن اسەم تۇردە جەتكىزۋ.»-دەيدى.
اققانات ءومىر شىندىعىن ساحنادا تەرەڭ جەتكىزىپ جۇرگەن اكتەر. اققانات بەينەلەيتىن-قالقامان بەينەسى-ەركىندىككە ۇمتىلعان، ماحاببات جولىندا تاعدىرمەن تايتالاسقان تراگەديالىق قاھارمان.
قالقامان – ەسكى سالتتىڭ شەڭبەرىنە سىيمايتىن، ءوز تاڭداۋىن قورعاۋعا دايىن كەيىپكەر. ول ماحابباتتى – تاعدىردان دا، داستۇردەن دە بيىك قويادى. بۇل ونى باتىل، بىراق قايشىلىقتى تۇلعا ەتەدى.
اققانات قۋاندىقوۆ سومداعان قالقامان – جىگەرلى، سەزىمتال، تراگەديالىق كەيىپكەر. ول ماحاببات جولىنداعى كۇرەستىڭ سۇلۋلىعىن دا، قاسىرەتىن دە قاتار كورسەتىپ، كورەرمەندى تەرەڭ ويعا جەتەلەيدى.
«قىز جىبەك» ەتنو-فولكلورلىق ميۋزيكلىندەگى بەكەجان بەينەسىن قازىرگى تاڭدا اققانات قۋاندىقوۆ نۇسقالاپ ءجۇر. بەكەجان – تەك قاراپايىم انتاگونيست ەمەس، ول ىشكى قايشىلىعى مول، سەزىمى مەن ارەكەتى اراسىنداعى تارتىسقا تۇسكەن كەيىپكەر. اققانات قۋاندىقوۆ بۇل بەينەنى بىرجاقتى «جاۋىز» رەتىندە ەمەس، تاعدىر مەن ماحابباتتان كۇيزەلگەن، نامىس پەن قىزعانىشتىڭ قۇربانى بولعان ادام رەتىندە اشادى.
اققانات قۋاندىقوۆتىڭ بەكەجانى – تەك جاۋ بەينەسى ەمەس، ول ماحاببات پەن نامىس، قىزعانىش پەن وكىنىش اراسىندا كۇيزەلگەن تراگەديالىق جان. اققانات-ىشكى ءدراماتيزمدى ساحنا الاڭىندا ورىنداي الاتىن اكتەر. بۇگىنگى تەاتر ونەرىنە كەرەك قاسيەتتەردىڭ ءبىرى. جوعارى دا، جەتىستىككە ءتۇرلى وتپەلى ۋاقىتتاردان ءوتىپ جەتكەنىن ايتىپ وتتىك، اققاناتتىڭ ەندىگى جەتىستىكتەرى وتپەلى كەزەڭمەن ەمەس، تەز ىزگى جولمەن ورىلە بەرسە دەگەن تىلەكتەمىز!
باحتيار تۇرسىن
تەاترتانۋشى
