اقتاۋ ماڭىندا ورىن العان اۋە اپاتىنان كەيىن ءىز-ءتۇزسىز جوعالعان ازەربايجاندىق ايەل مۋسليۋمات سيرادجوۆا تابىلدى، دەپ حابارلايدى “ادىرنا” ۇلتتىق پورتالى.
جەرگىلىكتى باق ونىڭ اۋرۋحاناعا كوما جاعدايىندا تۇسكەن، بىراق قازىرگى ۋاقىتتا ەسىن جيىپ، ءوز-وزىنە كەلگەنىن حابارلاعان.
ازەربايجاننىڭ زاگاتال اۋدانىنىڭ تۇرعىنى نۋرۋللا سيرادجوۆ ەسىمدى ەر ادام اپاتتان كەيىن ايەلىن تابا الماي، الاڭداعانىن جەتكىزگەن.
”قازىر قانداي جاعدايدا ەكەنىن بىلگىم كەلەدى. ونىمەن كەزدەسكىم كەلەدى. ۇشاقتا بىرگە وتىرعانبىز. ودان كەيىن كورمەدىم. مەن ساعىنعان جالعىز ادام - ايەلىم", – دەگەن بولاتىن ول.
قازىر مۋسليۋمات سيرادجوۆا ەسىن جيىپ، اتى-ءجونىن ايتا باستاعان. ونىڭ جانىندا ۇلى بار ەكەنى حابارلاندى.
ايتا كەتەيىك، 25 جەلتوقساندا ازەربايجان اۋە جولدارىنىڭ (AZAL) Embraer 190 ۇشاعى باكۋ–گروزنىي باعىتىندا ۇشىپ بارا جاتىپ، اقتاۋ ماڭىندا اپاتقا ۇشىراعان بولاتىن.
